Saudiya Arabistonining Ar-Riyod shahrida Toshkent vaqti bilan 22-dekabr oqshomida professional boks musobaqasi bo‘lib o‘tdi.
Kechaning markaziy jangida og‘ir vazn toifasi vakillari Oleksandr Usik (23-0, 14KO) va Tayson Fyuri (34-2-1, 24KO) o‘zaro to‘qnash keldi. Bokschilar o‘rtasidagi revansh jangi to‘liq 12 raund davom etdi va unda ukrainalik bokschi 116:112 hisobidagi g‘alaba qozondi.
Shu tariqa 38 yoshli Usik WBC, WBO va WBA kamarlarini o‘zida saqlab qoldi.
Eslatib o‘tamiz, Usik va Fyuri o‘rtasidagi ilk jang 19-may tongida Saudiya Arabistonida bo‘lib o‘tgandi. Jang 12 raund davom etdi va ukrainalik sportchining ochkolar hisobidagi g‘alabasi bilan yakunlandi. To‘qqizinchi raundda Oleksandr Taysonni nokautga uchratdi, ammo britaniyalik jangni davom ettirishga kuch topa olgandi.
Ma’lumot uchun, jangdan so‘ng boshqa bir britaniyalik bokschi Deniel Dyubua Usikdan jang so‘radi. Ukrainalik chempion esa ushbu taklifni qabul qildi.
Izoh (0)