Angliyaning “Chelsi” klubi yarim himoyachisi Mixail Mudrikning doping testi ijobiy natija ko‘rsatdi. Bu haqda Tribuna xabar bermoqda.
Futbolchining A namunasida taqiqlangan modda topildi. Oktyabr oyi oxirida olingan test ijobiy natija bergan. Mudrikdan olingan testning “B” namunasi yaqin kunlarda ochilishi kutilmoqda. Agar ikkinchi natija ham ijobiy natija bersa, 23 yoshli futbolchi 4 yilga futboldan chetlatilishi mumkin.
Ushbu voqeadan so‘ng futbolchi ijtimoiy tarmoqdagi izohlar bo‘limini yopdi.
Mudrik “Chelsi”da 2023-yildan buyon o‘ynab kelmoqda. Uning klub bilan shartnomasi 2031-yilgacha mo‘ljallangan. Joriy mavsumda u barcha musobaqalarda 15 ta o‘yinda qatnashib, uchta gol va beshta golli uzatmani amalga oshirdi. Futbolchining transfer qiymati 30 million yevroga baholanmoqda.
Izoh (0)