Monte-Karloda o‘tkazilgan jangdan so‘ng Murodjon Ahmadaliyev yana bir bor yaponiyalik bokschi Inouega murojaat qildi.
Bundan avval ham o‘zbekistonlik bokschi bir necha bor Inoueni jangga chaqirgan edi. Bokschi birinchi bor ushbu murojaatlarga javob qaytardi.
“Nima uchun men Tapalesga yutqazgan odamdan qochishim kerak? Bunga umuman hojat yo‘q. Agar jang qilishni istasang, g‘alabangni “qiymatini” ushlab tur va kut!
Men hozir bor eʼtiborimni Gudman bilan jangga qaratganman”, dedi Inoue.
Eslatib o‘tamiz, Ahmadaliyev kecha Rikardo Espinozani 3-raundda nokautga uchratib, vaqtinchalik WBA chempioniga aylandi.
31 yoshli yaponiyalik Naoya Inoue ayni paytda ikkinchi eng yengil vazn toifasida WBA, WBC, WBO hamda IBF kamarlari sohibi hisoblanadi. Yaponiyalik bokschi 24-dekabr kuni Tokio shahrida tashkil etiladigan boks oqshomi doirasida avstraliyalik da’vogar Sem Gudmandan IBF chempionlik kamarini himoya qilishga urinib ko‘radi.
Avvalroq Ahmadaliyev IBF’ga yaponiyalik sportchi ustidan shikoyat qilishini ma’lum qilgandi.
Izoh (0)