2024-yil ham o‘z yakuniga yetib bormoqda, hademay Yangi yil bayrami ham kirib keladi. Biz esa sovuq kunlarda sizga bayramona kayfiyat ulashadigan qish fasli haqidagi eng yaxshi filmlarni namoyish etamiz.
“Ta’tilda yolg‘iz”
Bolaligimizda har qanday ta’tilni kattalarsiz o‘tkazish bizga juda ham qiziqarli tuyulgan. Ava ham xuddi shunday fikrda bo‘ladi, ammo qizaloq va uning do‘stlari ota-onalarsiz katta mehmonxonada Rojdestvo bayramini o‘tkazgandan so‘ng, bu fikrdan qaytadi va ota-onasini o‘z xohishlaridan qutqarishiga to‘g‘ri keladi.
“Sovg‘a uchun Rojdestvo”
Yangi yil mo‘jizasi yilning boshqa fasllarida ham sodir bo‘ladimi? Ba’zi bolalar ushbu oilaviy bayramni yoz faslida bo‘lishini orzu qiladi. Mazkur filmda bu istak haqiqatga aylanadi. Syujetga ko‘ra, avgust oyida Yangi yil bayrami kirib keladi, bunga mehribon boboning nabirasiga bo‘lgan muhabbati sabab bo‘ladi.
“Uyda yolg‘izlar”
Yo‘q, bu siz o‘ylagan Kevin Makkalister sarguzashtlari haqidagi franshiza emas, mazkur filmda dunyodagi eng aqlli mavjudotlar — itlar to‘g‘risida so‘z boradi.
Robert ismli ajoyib ixtirochining uyiga Rojdestvo arafasida ikki o‘g‘ri bostirib kirishga harakat qiladi. Gadjetlar bilan qurollangan uy hayvonlari esa Robertning mulkini himoya qilish uchun shay turadi.
“Teddining sarguzashtlari”
Yangi yil yarmarkasida Marianna so‘zlasha oladigan o‘yinchoq — ayiqcha Teddini ko‘rib qoladi. Bu uning bolaligidan orzu qilgan narsasi bo‘ladi. Biroq boshqa xaridor ayiqni yutib oladi. So‘ng Teddi va uning yangi do‘sti qizaloqni topish uchun sarguzashtlarga to‘la Yangi yil sayohatiga yo‘l oladi.
“O‘yinchoq quyon”
Uilyam ismli bolakay Yangi yil bayramiga sovg‘a sifatida o‘yinchoq quyon oladi va u haqiqiy quyonga aylanib, do‘sti bilan Yangi yil sehrlariga to‘la ajoyib kunlarni boshidan kechiradi.
“Bizning kichik sirimiz”
Filmda Eyveri ismli qahramon navbatdagi Rojdestvo bayramini qallig‘ining oilasi bilan o‘tkazishga qaror qiladi, lekin uning sobiq turmush o‘rtog‘i ham bayram tantanalarida qatnashayotganini bilib, ularning romantik tarixini barchadan yashirishga majbur bo‘ladi.
“Oxirgi Rojdestvo bayramida”
Keyt Rojdestvo sovg‘alari sotiladigan do‘konda ishlaydi, ko‘p spirtli ichimliklar iste’mol qiladi va anchadan beri shaxsiy hayoti haqida qayg‘urmay qo‘ygan bo‘ladi. Ammo kelishgan va yoqimtoy Tom bilan uchrashgandan keyin hamma narsa o‘zgaradi.
“Qizil topshiriq”
“Qizil” maxfiy ismli Santa Klaus o‘g‘irlab ketiladi. Shimoliy qutbdagi xavfsizlik xizmati boshlig‘i Qorboboni qutqarish uchun dunyodagi eng mashhur yovuz odam bilan hamkorlik qilishga to‘g‘ri keladi. Ular birgalikda Rojdestvoni qutqarish uchun butun dunyo bo‘ylab qizil missiyani boshlaydilar.
“Jin”
Bernardning hayoti orqaga keta boshlaydi: ishi tufayli u qizining tug‘ilgan kunini o‘tkazib yuboradi, xotini uni tashlab ketadi, so‘ng ishdan bo‘shatiladi. Ostonada eng oilaviy bayram — Yangi yil yaqinlashib keladi. Qishning so‘nggi kunlarida tasodifan Bernard qadimiy qutini topib oladi va undan jin chiqadi.
“Shirinliklar ko‘chasi”
Har yili Kris qo‘shnilari bilan raqobatlashib, bayram uchun uyning eng yaxshi bezaklari tanlovida g‘olib chiqishga harakat qiladi. G‘alaba qozonish uchun u Pepper ismli elf bilan shartnoma tuzadi, uning sehri butun shaharda tartibsizlikka olib keladi. Endi bu sehrni buzish va Rojdestvoni saqlab qolish Kris va uning oilasi qo‘lida qoladi.
Izoh (0)