Zaharlab o‘ldirilgan Bibixonim: u kelinini dordan saqlab qolgani uchun shu tariqa tovon to‘lagan edimi?

Yirik tarixiy shaxs — Amir Temur va uning saltanati, harbiy yurishlari, ilm-maʼrifatga eʼtibori to‘g‘risida ko‘p va xo‘p yozilgan, gapirilgan. Biroq temuriy shahzodalar bilan bir qatorda, sulola vakillari orasida isteʼdodli siyosatchi, uzoqni ko‘ra oladigan, suxandon, yetuk olima va shoiralar yetishib chiqqan. Ular arkoni davlat ishlariga bevosita taʼsir ko‘rsata olgan. Saroymulkxonim bunga yaqqol misoldir. Ushbu maqolada sohibqiron Amir Temurning suyukli rafiqasi, xalq orasida Bibixonim nomi bilan mashhur bo‘lgan Saroymulkxonimning siyosatda tutgan o‘rni va ayanchli o‘limi haqida o‘qiysiz.