Buyuk Britaniya mudofaa vaziri o‘rinbosari Alister Karns agar katta urush bo‘lsa, mamlakat armiyasi “olti oydan bir yilgacha” yo‘q qilinishi mumkinligini aytdi. Bu haqda Politico xabar berdi.
Oktyabr holatiga ko‘ra, Britaniya armiyasi soni 109 245 kishini, shu jumladan, 25 814 nafar ko‘ngilli zaxirachini tashkil etgan. Armiyaning hozirgi soni bilan urush bo‘lsa, 12 oy ichida kuchlar yo‘qotishlarga uchrashi mumkin.
Armiyamiz Ukrainadagi kabi keng ko‘lamli urushda hozirgi yo‘qotishlar darajasida olti oydan bir yilgacha tugab qolishi mumkin, dedi Karns.
Unga ko‘ra, turli hisob-kitoblarga asosan Rossiya-Ukraina urushida har kuni 1500 ga yaqin rus askari halok bo‘lmoqda yoki yaralanmoqda. Alister Karns bunday sharoitda zaxiradagi harbiylar “hal qiluvchi, mutlaqo markaziy ahamiyatga” ega bo‘lishini aytdi. Shu sababli Britaniyaga ko‘p sonli armiya emas, inqiroz yuz bergan taqdirda “tezkorlik bilan kuch ishlatish” imkoniyatiga ega bo‘lish uchun zaxiradagi askarlar sonini ko‘paytirish muhimdir.
Britaniya aholisi ixtiyoriy ravishda rezervga yozilishi mumkin, ular bo‘sh vaqtlarida harbiy tayyorgarlikdan o‘tadi va buning uchun pul oladi.
Izoh (0)