Obraziga tushmagan: tomoshabinlar fikriga ko‘ra roliga noto‘g‘ri tanlangan aktyorlar

Ba’zan loyiha tomoshabinlarga yoqmagan bittagina personaj tufayli ham barbod bo‘lishi mumkin. 

Holli Beyli — “Suv parisi”

May oyida eng ko‘p kutilgan ertaklardan biri ekranlarga chiqadi. “Suv parisi” filmi premyerasidan ancha oldin shov-shuvga sabab bo‘lgan edi. Buning sababi bosh rolga tasdiqlangan aktrisa. Gap shundaki, Holli Beyli afroamerikalik. Uning tashqi ko‘rinishi asl multfilmdagi Suv parisi obrazidan tubdan farq qiladi. Ko‘plab tomoshabinlar yulduzni kamsitishdi va loyihani oldindan yomonlashdi. Hatto treylerlarning salbiy baholari ijobiy baholardan bir necha mingtaga ko‘p bo‘ldi. Hollini tomoshabinlar Andersen ertagidan bilgan Suv parisiga o‘xshamasligi uchun tanqid qilmoqda. Beylini faqat chin muxlislar va film ijodkorlari qo‘llab-quvvatlamoqda.

Liam Hemsvort — “Jodugar”

“Jodugar” serialining avvalgi uch mavsumida bosh rolni Genri Kavill ijro etgan edi. Aktyorning ulkan muxlislar armiyasi bor va tomoshabinlar serialni, jumladan, o‘z sevimli yulduzlarining ishtiroki tufayli ham yoqtirishgan. O‘tgan yil kuzida Genrining Netflix bilan shartnomasini uzaytirmagani va Geralt rolidan voz kechgani ma’lum bo‘ldi. Aktyor o‘z o‘rnini Liam Hemsvortga topshirdi, biroq tomoshabinlar uni darhol salbiy qabul qilishdi. Ularni qisman tushunsa bo‘ladi, chunki mashhur serialda bosh aktyorning almashtirilishi asarni idrok etishni butunlay o‘zgartiradi. Ammo Kavillning ayrim ashaddiy muxlislari haddan oshib, loyihani boykot qilishgacha borishdi. Aytgancha, Hemsvort ishtirokidagi yangi mavsum faqat 2024-yil noyabrida efirga chiqishi kerak edi. Muxlislar aktyorning ijrosini ko‘rmasdan turib, uning muvaffaqiyatsizlikka uchrayotganiga ishonishmoqda.

Adam Drayver — “Yulduzlar jangi”

“Yulduzlar jangi: kuch uyg‘onishi” filmida Adam Drayver Kaylo Ren rolini ijro etdi. Tanqidchilar uning aktyorlik mahoratidan mamnun bo‘lsa-da, tomoshabinlar uni muvaffaqiyatsiz deb baholadi. Bu safar ham ularning noroziligi jiddiy asosga ega emasdi. Ko‘pchilikka Adamning tashqi ko‘rinishi va xatti-harakatlari yoqmadi. Tomoshabinlarning fikricha, Drayver aktyordan shafqatsizlik va o‘ziga xos taassurot talab qiladigan yovuz inson roliga hali “yetib bormagan”. Kimgadir u yetarlicha kelishgan emas, kimgadir esa haddan ortiq yoqimtoy yigit bo‘lib ko‘rindi.

Jared Leto — “Xudkushlar guruhi”

 Tomoshabinlar Jared Letoni “Xudkushlar guruhi” filmidagi Joker roli uchun tanqid qilishadi. Tanqidchilarning fikricha, har bir aktyor Jokerga o‘ziga xoslikni olib kirgan va uni ko‘p qirrali qilgan. Lekin Jared buni uddalay olmagan. Bundan tashqari, aktyor suratga olish maydonchasida ham salbiy taassurot qoldiradi. Ommaviy axborot vositalari uning kadr ortidagi qiliqlari — goh Leto o‘yin-kulgi uyushtirishi, goh hamkasblarini mazax qilishi haqida yozishadi. Ular Jared o‘z ishiga hurmatsizlik va mas’uliyatsizlik bilan qaraydi, deb hisoblashadi. Bundan tashqari, u bu qiyofada dahshatli ko‘rinishning uddasidan chiqolmagan.

Ketrin Zeta-Jons — “Uenzdey”

Ketrin Zeta-Jons “Uenzdey” filmida Mortisha Addams roliga tasdiqlanganida tomoshabinlar darhol norozilik bildirishadi. Serial eng yuqori reytinglilardan biriga aylangan bo‘lsa-da, uni tanqid qilish mumkin. Muxlislarning fikriga ko‘ra, Ketrin rolni yaxshi o‘ynay olmagan — uning tashqi ko‘rinishi ham bunday gotik obrazga mutlaqo mos kelmaydi. Tomoshabinlar fikricha, unga Mortishadagi dadillik, qovog‘i soliqlik va “jodugar” vasvasasi yetishmagan. Ketrin esa Mortishaning qiyofasiga o‘ziga xos bo‘lmagan xushro‘ylik baxsh etadi.

Robert Pattinson — “Betmen”

Ilgari Betmenni tomoshabinlarning sevimlisiga aylangan Ben Afflek o‘ynagan. Robert Pattinson superqahramon plashini kiyib ko‘rganida, muxlislar yangi Betmen “boshqa odam” degan fikrga kelishadi. Aktyor har doim ozg‘inligi bilan ajralib turardi va aksariyat muxlislar uni “Sumerki” filmidagi badqovoq, rangpar vampir Edvard Kallen sifatida eslab qolishgan. Hatto oddiy hayotda ham Robertning nigohi ancha sovuq. Uning dunyoni qutqarishga kuchi yetmaganga o‘xshaydi. Muxlislar bunga premyera arafasida film posterlarini ko‘rganlarida ishonch hosil qilishdi. Ular yangi Betmenni “zerikarli” va “charchagan” deb atashdi.