Kongo Demokratik Respublikasida noma’lum kasallik tufayli noyab oyida 143 kishi vafot etdi. Bu haqda Reuters xabar berdi.
Kvango viloyati gubernatori o‘rinbosari Remi Saki va mahalliy sog‘liqni saqlash vaziri Apolliner Yumbaga ko‘ra, barcha kasallanganlarda o‘xshash alomatlar, jumladan, yuqori harorat va kuchli bosh og‘rig‘i kuzatilgan.
Namuna yig‘ish uchun tibbiyot xodimlari yuqumli hududga yuborilgan. Kasallik dori-darmonlar topish mushkul bo‘lgan qishloq joylariga tarqalgan. Yuqtirganlar dori-darmonlar yetishmasligi sababli vafot etmoqda. Birlashgan Millatlar Tashkiloti vaziyatdan tashvishda bo‘lib, Kongo hukumati bilan hamkorlikda kasallikni o‘rganish ustida ish olib bormoqda.
Xastalanganlar soni ko‘payishda davom etayotgani sababli vaziyat juda xavotirli. Ayollar va bolalar kasallikdan eng ko‘p aziyat chekmoqda.
Izoh (0)