Rossiyada 300 mingdan ortiq harbiy xizmatchi Ukrainadagi urushda qatnashish uchun zaxira polklarida tayyorgarlikdan o‘tdi. Bu haqda Rossiya Qurolli kuchlari jangovar tayyorgarlik bosh boshqarmasi boshlig‘i, general-polkovnik Ivan Buvalsev xabar berdi.
-S6UchYlD.jpg)
Buvalsevning aytishicha, jangovar harakatlarga tayyorgarlik ko‘rish uchun zaxira polklarida yettita instruktor va sakkizta mutaxassislarning o‘quv rotasi tashkil etilgan.
Jangchilar o‘z harakatlarini Ukraina Qurolli kuchlari tayanch punktlarining maketlarida va dushman pozitsiyasidagi hududlarda mashq qilmoqda, dedi u.
Shuningdek, Buvalsev harbiylarni tayyorlash jarayonida ekipajsiz qayiqlar, uchuvchisiz apparatlar va dronlarga qarshi kurashish bo‘linmalari operatorlarini o‘qitish tizimi ishlab chiqilganini aytdi. U tizim zarur miqdordagi mutaxassislarni o‘z vaqtida tayyorlash imkonini berishini bildirdi.
Harbiylarni tayyorlashga qancha vaqt sarflangani noma’lum. Ehtimol, gap faqat 2024-yil haqida ketmoqda. 2023-yil oktyabr oyida Rossiyaning o‘sha paytdagi mudofaa vaziri Sergey Shoygu Ukrainada jangovar harakatlar hududidagi qo‘shinlarning har bir guruhi uchun to‘qqizta zaxira polki tashkil etilganini aytgandi.
Shoygu, shuningdek, birgina 2023-yilda 335-mingdan ortiq kishi shartnoma asosida va ko‘ngilli tuzilmalarda xizmat qilish uchun ketganini ta’kidlagan. Rossiya Xavfsizlik kengashi raisi o‘rinbosari Dmitriy Medvedev 2024-yilning yozida, yil boshidan beri qariyb 200 ming kishi harbiy xizmatga shartnoma tuzganini ma’lum qilgandi.
Izoh (0)