Joriy yilda 22 milliard so‘mdan ortiq dori vositasi va tibbiyot buyumlari bepul berildi. Bu haqda AOKAda bo‘lib o‘tgan brifingda “Dori-darmon” AK boshqarma boshlig‘i Xurshida Eshbekova ma’lum qilgan.
Ma’lum qilinishicha, Sog‘liqni saqlash vazirligi tomonidan tasdiqlangan ro‘yxatga asosan hozirgi kunda “Ijtimoiy ahamiyatga ega kasalliklarni davolashda qo‘llaniladigan dori vositalari va tibbiy buyumlar ro‘yxati”ga jami 133 ta shundan 126 ta dori vositasi va 7 ta tibbiy buyumlar kiritilgan. Vazirlar Mahkamasining 2013-yildagi 204-sonli qarori bilan ambulatoriyada davolanishda dori vositalari bilan imtiyozli ta’minlanish huquqiga ega bo‘lgan 14 toifadagi shaxslar ro‘yxati belgilangan.
“2024-yilning 9 oyi davomida mazkur ro‘yxatdagi shaxslarga kompaniyamiz va uning tizimidagi jamiyatlarga qarashli dorixonalar orqali 292 750 ta retsept orqali 22 mlrd 136 mln so‘mlik dori vositasi va tibbiyot buyumlari bepul berildi.
Umuman olganda, kompaniyamiz tomonidan 2024-yilning 9 oyi davomida 22 mlrd 671 mln so‘mlik ijtimoiy ahamiyatga ega dori vositalari xarid qilindi”, deydi Xurshida Eshbekova.
Ta’kidlanishicha, joriy yilning shu davriga qadar 1 mln 100 ming dozadan oshiq grippga qarshi vaksinalar olib kelingan bo‘lib, ushbu vaksinalar sanitariya-epidemiologiya osoyishtalik va jamoat salomatligi xizmatiga, tibbiyot markazlariga, qurollik kuchlar, Ichki ishlar vazirligi, xususiy tashkilotlarga, vaksinatsiya markazlariga yetkazib berilgan.
O‘zbekistonda 2023-yilda 14 toifadagi shaxslarga retsept orqali 68 120 ta 25 milliard so‘mlik dori vositasi va tibbiyot buyumlari bepul berilgandi.
Izoh (0)