Hafiza Ortiqova Buxoro viloyati hokimining o‘rinbosari — oila va xotin-qizlar boshqarmasi boshlig‘i lavozimiga tayinlandi.
Viloyat hokimligi matbuot xizmatining ma’lum qilishicha, ushbu lavozimda 2021-yildan buyon ishlab kelgan Feruza Ibragimova boshqa ishga o‘tayotgani munosabati bilan lavozimidan ozod qilindi.
Hafiza Ortiqova 1976-yil 24-dekabrda Buxoro tumanida tug‘ilgan. 1997-yilda Buxoro davlat universitetini bitirgan. Biologiya fanlari doktori, professor. Tayinlovga qadar u 2024-yil fevralidan buyon Buxoro davlat pedagogika institutining Yoshlar masalalari va ma’naviy-ma’rifiy ishlar bo‘yicha birinchi prorektori vazifasida ishlab kelgan. Undan avval Buxoro davlat universiteti Agronomiya va biotexnologiya fakulteti dekani bo‘lgan. “Shuhrat” medali sohibi.
Bundan avval Baxtiyor Adilov Buxoro viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar bo‘yicha o‘rinbosari etib tayinlangandi. Buxoro viloyatining Peshku, Vobkent, Qorovulbozor tumanlari hamda Kogon shahrida hokimlar o‘zgardi.
29-noyabr kuni prezident Shavkat Mirziyoyev Buxoro viloyatida qo‘shimcha imkoniyatlarni yuzaga chiqarish, investitsiya va ish o‘rinlarini ko‘paytirish chora-tadbirlari bo‘yicha yig‘ilish o‘tkazgan edi. Unda Buxoroda hokimlar, ularning o‘rinbosarlari va sektor rahbarlari 6 oy favqulodda ish tartibiga o‘tishi belgilangandi.
Izoh (0)