Yaponiya bosh vaziri Sigeru Isibaning mashinasi uning kortejini qo‘riqlayotgan politsiya avtomobili bilan to‘qnashdi. Bu haqda Kyodo agentligi xabar berdi.
Bosh vazir va uning yordamchilari avariya oqibatida tan jarohati olmagan. Hodisa Tottori shahrida, bosh vazir Tokioga qaytishi uchun aeroportga yo‘l olganida sodir bo‘lgan. Politsiya mashinasi svetoforning qizil chirog‘ida to‘xtagan. Unga bosh vazirning avtomobili kelib urilgan. Kortej harakatni davom ettirguncha bir necha daqiqa voqea joyida qolgan.
Tottorida bosh vazir hukmron Liberal-demokratik partiya faollari va mahalliy aholi bilan uchrashuv o‘tkazgan. Shu jumladan, Isiba o‘z oilasi yashagan uyga tashrif buyurgan. U Tokioda tug‘ilgan bo‘lsa-da, bolalik va yoshlik davrini Tottorida o‘tkazgan. Bundan tashqari, u ota-onasi dafn etilgan joyni ham ziyorat qilgan.
Avvalroq Yaponiya bosh vaziri Sigeru Isiba qayta saylov uchun ovoz berish vaqtida uxlab qolgandi. O‘shanda amaldor ovoz berish yakunlariga ko‘ra g’alaba qozongan. Unga jami 221 nafar parlament a’zosi ovoz bergan.
Izoh (0)