“Liverpul” himoyachisi Virjil van Deyk “Real”ga o‘tishi mumkinligi haqida gapirdi.
“Yozda ‘Real’ga o‘tishim mumkinmi? Men hozir javob bera olmayman”, deya van Deyk so‘zlarini keltiradi El Chiringuito.
33 yoshli futbolchi 2018-yildan beri mersisaydliklar safida to‘p surmoqda. Bu davrda u barcha turnirlarda 287 ta uchrashuvda qatnashib, 25 ta gol va 13 ta golli uzatmani amalga oshirgan. Transfermarkt portalida berilgan ma’lumotlarga ko‘ra, futbolchining bozor qiymati 30 million yevroni tashkil qiladi.
Ma’lumot uchun, 27-noyabr kuni “Liverpul” Chempionlar Ligasining umumiy bosqichi 5-tur doirasida “Real”ga qarshi maydonga tushdi. Angliya jamoasi “Los Blankos”ni 2:0 hisobida mag‘lub etdi va turnir jadvalida peshqadamlik qilmoqda.
Izoh (0)