AQSHning saylangan prezidenti Donald Tramp tomonidan Oq uy bo‘lajak ma’muriyati a’zolari sifatida ko‘rsatilgan bir nechta shaxs Federal qidiruv byurosiga portlovchi qurilma bilan bog‘liq tahdidlar olganini aytdi. Bu haqda BBC xabar berdi.
Byuro “ko‘plab portlash tahdidlari” va soxta minalash xabarlari haqida ma’lumot borligini tasdiqladi. Tahdidlar haqida birinchi bo‘lib Tramp inauguratsiyasidan so‘ng AQSHning BMTdagi doimiy vakili etib tayinlanishi kutilayotgan Eliza Stefanik xabar bergan.
Huquq-tartibot organlari tahdidga uchragan bir necha kishining xavfsizligini ta’minlash uchun tezkor choralar ko‘rdi. Prezident Tramp bu borada bizga namuna ko‘rsatmoqda — biz tahdidlar oldida bo‘yin egmaymiz, dedi — Trampning o‘tish jamoasi vakili Karolin Livitt.
U shu tariqa saylangan prezidentga qilingan suiqasdlarni esga oldi.
Trampga suiqasd
13-iyul kuni Pensilvaniyadagi mitingda Tramp qulog‘idan yaralandi, tadbir ishtirokchilaridan biri halok bo‘ldi, yana ikki kishi jarohatlandi. Jinoyatda gumon qilinayotgan 20 yoshli Tomas Metyu Kruksni Maxfiy xizmat yo‘q qildi.
Izoh (0)