Ikki vazn toifasida sobiq UFC chempioni Konor Makgregorning turmush o‘rtog‘i Di Devlin ijtimoiy tarmoqlarda Nikita Ni Laimxinga murojaat qildi.
Aynan u Konor tomonidan zo‘ravonlikka uchragan edi. Irlandiyalik sportchi o‘z aybiga iqror bo‘lgan. Dublin sudi Makgregor jabrlanuvchiga 250 ming yevro to‘lashi kerak degan qarorga keldi.
“Tasavvur qiling-a, bu ayolning yigiti va farzandi bor, lekin u boshqa ayolning turmush o‘rtog‘iga o‘zining provokatsion suratlarini yuboradi, uning ham oilasi va farzandi bor. U meni bilishini da‘vo qilmoqda, lekin shuni bilgan holda ham shanbadan dushanba tongiga qadar qayta-qayta xabarlar va o‘zining rasmlarini yuborishda davom etardi. Bu qanday ayol o‘zi?!
O‘g‘illarim ham dunyoda siz kabi ayollar borligi haqida ogohlantiriladi”, deb yozdi Di Devlin ijtimoiy tarmoqdagi sahifasida.
Ma’lumot uchun, Makgregor sudda ular orasidagi aloqani inkor etmagan, biroq hammasi o‘zaro rozilik asosida ekanini ta’kidlagan. Sud jarayonida o‘sha kuni u giyohvand moddalar iste‘mol qilganini ham tan oldi.
Izoh (0)