Kanadalik 59 yoshli Donna-Jan Uayld Ginnesning Rekordlar kitobiga bir soat ichida 1575 marta “otjimaniya” qilgani uchun kiritildi.
U o‘z farzandlari va nevaralariga motivatsiya bo‘lishga harakat qilayotganini aytadi. U nafaqadagi sportchi bo‘lsa-da, faol turmush tarzini davom ettirib, yangi cho‘qqilarni zabt etmoqda.
Donnaning 12 nafar nevarasi bor. Ularning hammasi buvisini qo‘llab-quvvatlash uchun keldi.
“Baxt ko‘z yoshlarini yashirib, oldinga harakat qilishimga to‘g‘ri keldi”, dedi Uayld.
Dastlabki 20 daqiqada Donna-Jan 620 marta “otjimaniya” qildi, so‘ng biroz sekinlashdi. U Ginnesning Rekordlar kitobi vakillariga 2024-yil boshida yugurish bo‘yicha jahon rekordini yangilashga tayyorgarlik ko‘rish paytida “otjimaniya”ga oshiq bo‘lganini so‘zlab berdi. O‘shanda u kuniga 500 marta “otjimaniya” qilgan. Bu esa mukammal jismoniy formaga kirishiga yordam bergan.
Izoh (0)