Avstraliya parlamenti 16 yoshgacha bo‘lgan voyaga yetmaganlarga ijtimoiy tarmoqlardan foydalanishni taqiqlovchi qonunni qabul qildi.
CNN telekanaliga ma’lum qilishicha, Senat bir necha oy davom etgan qizg‘in muhokamalardan so‘ng qonunni ma’qulladi.
Qonun loyihasi bir hafta ichida muhokamaga kiritildi va qabul qilindi.
Yangi qonunga ko‘ra, texnologiya kompaniyalari voyaga etmagan foydalanuvchilarning ijtimoiy tarmoqlarga kirishini oldini olish uchun “oqilona choralar” ko‘rishlari kerak. Aks holda, ular deyarli 50 million Avstraliya dollari (32 million AQSh dollari) miqdorida jarimaga tortiladi.
Taqiq Snapchat, TikTok, Facebook, Instagram, Reddit va X (sobiq Twitter)ga ta’sir qilishi kutilmoqda, ammo ro‘yxat kengaytirilishi mumkin. So‘rovnomalar ko‘rsatishicha, avstraliyaliklarning 77 foizi 16 yoshgacha bo‘lgan bolalar uchun ijtimoiy tarmoqlarga kirish bo‘yicha taqiqni qo‘llab-quvvatlaydi.
Qonun qabul qilingandan so'ng, hukumat yakuniy sanani belgilashdan oldin maslahatlashuvlar o‘tkazishi kutilmoqda. Ota-onalar va bolalar taqiqni buzganliklari uchun jazolanmaydi. Ammo kompaniyalar jarimaga tortilmasligi uchun voyaga etmagan foydalanuvchilarning ijtimoiy tarmoqqa kirishini oldini olish uchun oqilona choralar ko'rganligini isbotlashlari kerak bo‘ladi.
- Kecha 27-noyabr kuni Raqobatni rivojlantirish va iste’molchilar huquqlarini himoya qilish qo‘mitasi O‘zbekistonda bukmekerlik xizmatlarni targ‘ib qiluvchi 30 ga yaqin sayt bloklanganini e’lon qildi.
- Qayd etilishicha, qo‘mita tomonidan qimor va tavakkalchilikka asoslangan o‘yinlarni targ‘ib qilishga qaratilgan veb-saytlar yuzasidan doimiy o‘rganish va tahlillar olib borilmoqda.
Izoh (0)