Germaniya sobiq kansleri Angela Merkel AQSHning saylangan prezidenti Donald Trampning davlat rahbari sifatidagi asosiy kamchiligini aytdi. Bu haqda u NPR’ga bergan inetvyusida ma’lum qildi.
Merkelga ko‘ra, Tramp mamlakatlar o‘rtasida o‘zaro manfaatli hamkorlik bo‘lishiga ishonmaydi, u har qanday vaziyatda, albatta, bir tomon yutqazadi deb biladi.
Donald Tramp boshqalarga qaraganda murosaga kelish imkoniyati yoki uning sifatiga kamroq ishonadi. U har qanday turdagi ziddiyatda yagona g‘olib bo‘lishni xohlaydi, u ikkala tomon ham yakunida yutishiga ishonmaydi. Bu esa boshqa hukumat rahbarlari bilan hamkorlikni yanada murakkablashtiradi, dedi siyosatchi.
U NATOning ahamiyatni Trump baribir anglab yetishiga umid bildirdi va AQSHning alyansni kuchli saqlab qolishi uchun “asosli sabablari” borligini ta’kidladi.
Umid qilamanki, saylangan prezident Tramp o‘zining birinchi muddatida bo‘lgani kabi, NATOning nafaqat AQSH va Kanada yordamida Yevropani himoya qilish maqsadiga xizmat qilishini, balki Yevropa bilan hamkorlikning Amerika Qo‘shma Shtatlari uchun ham manfaatli ekanligini tushunib yetadi, dedi Merkel.
U Ukraina prezidenti Vladimir Zelenskiyining jasoratiga qoyil qolishini, lekin uning Ukrainaning NATOga a’zo bo‘lishini kechiktirish urushning boshlanishiga olib kelgani haqidagi fikriga qo‘shilmadi.
Angela Merkel Germaniyaning birinchi ayol kansleri sifatida tarixga kirgan. U 2005-2021 yillarda Germaniya hukumati rahbari sifatida faoliyat yuritgan. U lavozimini 2021-yil 8-dekabrda tark etgan. Shundan so‘ng Olaf Shols mamlakat kansleri lavozimini egallab kelmoqda.
Izoh (0)