22-fevral kuni Saudiya Arabistonida bo‘lib o‘tadigan The Riyadh Season yirik boks festivalida ikki rossiyalik – yarim og‘ir vaznda mutlaq jahon chempioni Artur Beterbiyev va xuddi shu vaznda sobiq jahon chempioni Dmitriy Bivol o‘rtasida boks bo‘yicha revansh jangi bo‘lib o‘tishi mumkin.
“Manbalar The Riyadh Season shousiga tayyorgarlik haqida ma’lumot berdi. Jumladan, Artur Beterbiyev mutlaq chempionlik unvonini himoya qilish uchun Dmitriy Bivolga qarshi zudlik bilan revansh jangini o‘tkazishi kutilmoqda”, deb yozadi jurnalist Rafael o‘zining saytida chop etilgan maqolasida.
Ma’lumot uchun, Bivol va Beterbiyev o‘rtasidagi birinchi jang 2024-yil oktyabr oyida bo‘lib o‘tgandi va Beterbiyev hakamlar qaroriga ko‘ra g‘alaba qozonib, yarim og‘ir vazn toifasi (WBC, WBA) tarixida oltita chempionlik unvonini birlashtirgan ilk sportchiga aylangandi.
Izoh (0)