Respublikamizda 2024-yil 1-noyabr holatiga ko‘ra sanoat sohasida ro‘yxatdan o‘tgan korxonalar soni 113 797 tani tashkil etadi. Bu haqida Statistika agentligi ma’lum qildi.
Ularning so‘nggi yillarning mos davrlaridagi dinamikasi quyidagicha:
2020-yilda sanoat korxonalari soni 86 652 tani tashkil qilgan bo‘lsa, 2024-yilga kelib bu ko‘rsatkich 113 979 taga yetgan.
Avvalroq O‘zbekiston avtomobil bozorida faollik darajasi oshgani ma’lum qilingandi.
2024-yilning III choragida O‘zbekiston avtomobil bozorida faollik darajasi oshgan bo‘lsada, 2023-yilgi darajada emas. Xususan, iyul-sentyabr oylarida davlat ro‘yxatidan o‘tkazilgan avtomobillar soni 352,8 mingtani tashkil qilib, II-chorakdagiga nisbatan 76,8 mingtaga (27,8 foizga) ko‘paydi. Biroq bu ko‘rsatkich 2023-yilning mos davridagiga nisbatan 19,9 foiz kam.
Avtokreditlarning sezilarli darajada kamayishi sharoitida, avtomobil korxonalari va dilerlar tomonidan ayrim avtomobillar savdolari uchun chegirmalarning kiritilishi, foizsiz muddatli to‘lovlarning joriy etilishi bozorda o‘tgan yillar darajasidagi talabni qo‘llab-quvvatlashga qaratilgan choralar sifatida qaralishi mumkin.
Izoh (0)