Madridning “Real” klubi qishki transfer oynasida “Manchester Yunayted”da o‘ynayotgan braziliyalik yarim himoyachi Kazemironi ortga qaytarish haqida o‘ylamoqda. Bu haqda Trivela xabar bermoqda.
Manba bergan xabarga ko‘ra, Kazemiro klubning yosh yarim himoyachilarining rivojlanishiga yordam bera oladigan futbolchi sifatida ko‘rilmoqda. Bundan tashqari, u o‘yinchilarning so‘nggi paytlarda olgan jarohatlari tufayli yarim himoya va himoya tizimidagi muammolarni hal qilishda ham yordam berishi mumkin.
Joriy mavsumda Kazemiro “Yunayted”ning barcha turnirlarida 16 ta o‘yinda ishtirok etdi va braziliyalik futbolchi uchta gol urdi. Futbolchining klub bilan amaldagi mehnat shartnomasi 2026-yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.
Izoh (0)