Tojikistonning 1-oktyabr holatiga ko‘ra tashqi qarzi 3,25 milliard dollarni tashkil etib, yil boshiga nisbatan 0,2 foizga yoki 7,1 million dollarga oshdi. Bu haqda Moliya vazirligiga tayanib, AsiaPlus xabar berdi.
Tojikistonning asosiy kreditori Xitoy (1 milliard dollar) hisobalanadi. Qarzdorlikning katta qismi Jahon banki (370 mln dollar), Osiyo taraqqiyot banki (260 mln dollar), Islom taraqqiyot banki (212 mln dollar) hamda Yevropa tiklanish va taraqqiyot banki (167 mln dollar) hissasiga to‘g‘ri keladi.
Bundan tashqari, 2017-yilda Rog‘un GES qurilishi uchun jalb qilingan 500 million dollarlik yevroobligatsiyalar bo‘yicha qarzdorlik to‘lanmay qolgan. Hozirgi vaqtda hukumat ushbu obligatsiyalar bo‘yicha foizlar to‘laydi.
Kelgusi yilda Rog‘un GES qurilishini yakunlash uchun xalqaro hamkorlardan yangi kreditlar jalb qilinishi kutilmoqda, bu esa mamlakat tashqi qarzining sezilarli darajada oshishiga olib kelishi mumkin.
Izoh (0)