Xonanda Ruxshona Instagram sahifasi orqali kuzatuvchilarini qiziqtirgan savollarga javob berar ekan, turmush o‘rtog‘ining birinchi turmushi ekanligini aytib o‘tdi.
— Turmush o‘rtog‘ingiz bilan oralaringizdagi yosh farqi necha yil?
— Ular mendan 3 yosh kattalar. Men 30, turmush o‘rtog‘im esa 33 yoshlar.
— Farzandlaringiz turmush o‘rtog‘ingizni nima deb chaqirishadi? Ular sizlar bilan yashashyaptimi?
— “Papa” (dada) deb chaqirishadi. Albatta birga yashayapmiz. Xo‘jayinim, men va bolalarimiz.
— Eringizning oldin oilalari bo‘lganmi?
— Yo‘q, xo‘jayinimning faqat bitta oilalari bor. Ular avval uylanmaganlar va bitta xotinlari, ya’ni men va hozircha ikki farzandlari bor.
— Negativlar kamaydimi to‘yingizdan keyin yoki aksimi?
— Negativ har doim bo‘lgan va bo‘ladi. Baxtsiz insonlar negativ yozadi o‘zi, bunga e’tibor berish kerak emas. Alloh yozgan taqdirni bandalari muhokama qilishi bu katta xato.
Ruxshona 28-oktyabr kuni Ulug‘bek ismli yigitga turmushga chiqdi. U 2021-yilning oktyabr oyida rejissyor Sanjar Matkarimov bilan ajrashgan edi.
Izoh (0)