Jahon chempionati saralash bosqich 6-turi doirasidagi KXDR—O‘zbekiston uchrashuvi oldidan matbuot anjumanida bosh murabbiy Srechko Katanes va tajribali futbolchi Jaloliddin Masharipov ishtirok etdi.
“Keyingi o‘yinga tayyormiz. Ha, mashg‘ulotlarda maydon masalasida kichik muammo bo‘lib turdi, ammo hozir bunga qaraydigan payt deb o‘ylamayman. Bu yerga faqat uch ochkoni qo‘lga kiritish uchun keldik. Hozir oldimizdagi vazifa – g‘alaba.
O‘ylaymanki, uchrashuvga tayyormiz. Kuchli jamoamiz va mana shunaqa o‘yinlarda kuchli jamoalar sinovdan o‘tadi. Kuchli jamoa ekanimizni bilamiz va bu masalada yigitlar bilan gaplashdik. Birinchi o‘yinni tezda esdan chiqargan holda bu o‘yinga tezroq eʼtiborni qaratishimiz kerak. Nimaga deganda, ikkinchi o‘yinda ham o‘shani o‘ylab o‘tib ketishni xohlamaymiz.
Kuchli jamoa hech qachon ketma-ket ikkita o‘yinni yutqazmaydi. Biz kuchli milliy jamoamiz va Xudo xohlasa ertaga buni ko‘rsatib, muxlislarni, hammani 3 ochko bilan xursand qilishga harakat qilamiz”, deydi Jaloliddin Masharipov o‘yin oldi matbuot anjumanida.
Maʼlumot uchun, Shimoliy Koreya – O‘zbekiston uchrashuvi 19-noyabr, seshanba kuni bo‘lib o‘tadi. Laos poyaxti Vyentyan shahri “Lao” stadionida bo‘lib o‘tishi rejalashtirilgan uchrashuv 17:00 da boshlanadi.
Izoh (0)