Botir Qodirov va Jo‘rayevlar ishi apellyatsiya sudida ko‘rib chiqildi. Bu haqda Toshkent shahar sudi matbuot xizmati “Daryo”ga xabar berdi.
Maʼlum qilinishicha, apellyatsiya instansiyasi ham Botir Qodirovni Sherali Jo‘rayevning o‘g‘li deb topdi. Birinchi instansiyaning qarori to‘liq o‘z kuchida qoldi.
Sentyabr oyida Botir Qodirov Sherali Jo‘rayevning o‘g‘li ekani tasdiqlangandi.
“Fuqarolik ishlari bo‘yicha Uchtepa tumanlararo sudi da’vogar Qodirov Botir Sheraliyevichni javobgarlar Jo‘rayev Shohjahon Sherali o‘g‘li va Jo‘rayev Zohirshoh Sherali o‘g‘liga nisbatan otalik tartibini belgilash haqidagi da’vo arizasini ko‘rib chiqib, qaror qiladi:
“Da’vogar Qodirov Botir Sheraliyevichni javobgarlar Jo‘rayev Shohjahon Sherali o‘g‘li va Jo‘rayev Zohirshoh Sherali o‘g‘liga nisbatan otalik tartibini belgilash haqidagi da’vo arizasi qanoatlantirilsin. Marhum 2023-yil 4-sentyabrda vafot etgan Sherali Jo‘rayev 1981-yil 5-mayda tug‘ilgan Qodirov Botir Sheraliyevichga nisbatan otalik fakti belgilansin”.
“1981-yil 5-mayda tug‘ilgan Qodirov Botir Sheraliyevichni Andijon shahar FHDY bo‘limida 1983-yil 11-martda 12-son bilan qayd etilgan tug‘ilganlik haqidagi dalolatnomaning ota ustuniga Sherali Jo‘rayev deb ko‘rsatilsin”, dedi sudya Lola O‘tanboyeva.
Uning aytishicha, hal qiluv qarori bir oydan keyin kuchga kiradi. Qarordan norozi taraflar shu sud orqali Toshkent shahar sudi Fuqarolik ishlari bo‘yicha sudlov hay’atiga apellyatsiya tartibida shikoyat qilishi mumkin.
“Shuningdek, Adliya vazirligi huzuridagi Sulaymonova nomidagi Respublika sud-ekspertiza markazi tomonidan taqdim etilgan xulosalarda yo‘l qo‘yilgan kamchiliklar yuzasidan Adliya vazirligiga xususiy ajrim chiqaradi”, dedi sudya.
Tizimga kiring yoki Roʻyxatdan oʻting.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRoʻyxatdan oʻtganmisiz? Login.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRahmat. Biz sizning xabaringizni oldik va xatoni imkon qadar tezroq tuzatamiz.
Izoh (0)