Farg‘ona viloyatida 10,4 mlrd so‘mlik tabiiy gazdan noqonuniy foydalangan metan zapravka aniqlandi. Bu haqda “O‘zenergoinspeksiya” matbuot xizmati xabar berdi.
Maʼlum qilinishicha, O‘zbekiston tumanida joylashgan “O.M.P.” MCHJga qarashli avtomobillarga gaz to‘ldirish kompressor shoxobchasida kompleks o‘lchov quvuriga o‘rnatilgan toraytirish moslamasi teskari qo‘yilgan.
Ushbu qoidabuzarlik natijasida gaz taʼminoti korxonasiga 10 mlrd 498 mln so‘mlik (4,03 mln metr kub tabiiy gaz) zarar yetkazilgan.
Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
“Svet” va gazdan noqonuniy foydalanayotgan metan zapravkalar
Aprel oyida Toshkent viloyati Bo‘ka tumanidagi metan zapravkada bir oyda 1,8 milliard so‘mlik tabiiy gazdan noqonuniy foydalanilgani aniqlangan edi. May oyida Qoraqalpog‘istonda 222,6 mln so‘mlik gazni muvofiqlik sertifikatisiz sotgan zapravka jarimaga tortilgandi.
May oyida Farg‘ona viloyatidagi metan zapravkada 1 milliard so‘mdan ziyod tabiiy gazdan noqonuniy foydalanilgani aniqlandi. Avgust oyida esa O‘zbekiston tumanidagi metan gaz to‘ldirish shoxobchasida 792,5 million so‘mlik tabiiy gazdan noqonuniy foydalanish holati fosh etilgandi.
Bundan tashqari, Angrendagi metan zapravkada 1,1 mlrd so‘mlik elektr energiyasidan, Samarqanddagi metan zapravkada 6,6 mlrd so‘mlik gazdan noqonuniy foydalanilgani aniqlangan.
Izoh (0)