AQSH harbiylari orasida 2023-yili o‘z joniga qasd qilish holatlari ko‘paydi. Pentagon rasmiylari tomonidan ko‘rilgan choralarga qaramay, o‘sish tendensiyasi davom etmoqda. Bu haqda AQSH Mudofaa vazirligiga tayanib, ABC News xabar berdi.
Ma’lum qilinishicha, 2023-yili harbiylar orasida o‘z joniga qasd qilish holatlari o‘tgan yilgiga nisbatan 30 taga ko‘paygan. Shu tariqa har 100 ming harbiy xizmatchiga to‘g‘ri keladigan ko‘rsatkich 9 foizga oshgan. Pentagon rahbari Lloyd Ostin mazkur masala yuzasidan bayonot bergan. U suitsidning oldini olish va undan keyingi asoratlarni bartaraf etish bo‘yicha ishlar ikki baravar oshishi zarurligini bildirgan. Rasmiylar bu kabi holatlar 2011-yildan beri o‘sib borayotganini ta’kidlagan.
2011-yildan 2023-yilgacha bo‘lgan davrda o‘z joniga qasd qilish darajasining bosqichma-bosqich, statistik jihatdan sezilarli darajada o‘sayotganiga guvoh bo‘lyapmiz, deydi Pentagonning suitsidning oldini olish boshqarmasi direktori doktor Liz Klark.
Pentagon o‘z joniga qasd qilish holatlarini kamaytirish uchun qator sa’y-harakatlarga qo‘l urdi. Qurolli kuchlar saflarida sog‘lom muhitni yaratish va suitsidning oldini olish bo‘yicha kurslar shular jumlasidan.
Izoh (0)