Pentagon AQSh harbiy sanoatiga moliyaviy yordam ko‘rsatish uchun byudjetning taxminan 1,05 milliard dollarini ishlatgan. Bu haqda Breaking Defence portali xabar bermoqda.
“Bizda soliq to‘lovchilarning bir milliard dollardan sal ko‘proq mablag‘i bor edi. Shuning uchun biz harbiy sanoat shartnomalarining katta qismiga ega bo‘lgan armiya, Harbiy-dengiz floti va harbiy havo kuchlaridan qaysi loyihalar eng muhim va zaruriy ekanini aniqlashni so‘radik. Mablag‘lar o‘sha loyihalarga yo‘naltirildi”, dedi Mudofaa vazirining moliya bo‘yicha o‘rinbosari Mayk Makkord.
Portal maʼlumotlariga ko‘ra, Pentagon 68 ta harbiy-sanoat loyihasini amalga oshirishni qo‘llab-quvvatlash uchun jami 1,05 milliard dollar sarflagan; bu mablag‘ AQSh Kongressi tomonidan ajratilgan.
Mablag‘ nimaga sarflandi?
310 million dollarlik eng katta mablag‘ Constellation toifasidagi fregatlarni qurishga yo‘naltirilgan.
Pentagon, shuningdek, Boeing yangi F-15EX qiruvchi samolyotini ishlab chiqarishi uchun 154,4 million dollar subsidiya ajratdi.
ESB-7 va ESB-8 suzuvchi ekspeditsion dengiz bazalaridagi kamchiliklarni bartaraf etish uchun esa 107 million dollardan ortiq mablag‘ ajratildi.
Pentagonning maxfiy hujjatlari
AQSH Mudofaa vazirligining maxfiy hujjatlarini oshkor qilgan 23 yoshli Jey Teysheyra 15 yilga qamalgani xabar qilindi. Teysheyra josuslik to‘g‘risidagi qonunga binoan milliy mudofaa maʼlumotlarini qasddan saqlash va uzatishda aybdorligini tan olgan.
"Men yetkazgan barcha zarar uchun kechirim so‘ramoqchiman. Barcha mas’uliyat va oqibatlar faqat mening zimmamga tushishini anglayman. Buning ortidan keladigan har qanday oqibatni qabul qilaman", degan u harbiy sud zalida.
Izoh (0)