“An-Nassr” va Portugaliya terma jamoasi hujumchisi Krishtianu Ronaldu milliy terma jamoada o‘ynashdan bosh tortayotgan futbolchilardan g‘azablanishini aytdi.
“Portugaliya terma jamoasida o'ynashni istamaydigan ba’zi futbolchilar meni jahlimni chiqaradi. Milliy terma jamoada o‘ynashdan rohatlaning, vaqt tez o‘tadi! O‘z mamlakatingiz va madaniyatingizni namoyish etishdan yaxshiroq narsa yo‘q”, deya Ronalduning so‘zlaridan iqtibos keltiradi Portugaliya futbol federatsiyasi matbuot xizmati.
Ma’lumot uchun, terma jamoa tarkibida Ronaldu Yevropa chempionati va UEFA Millatlar Ligasida g‘olib chiqdi. Portugaliyada u to‘rt marta yilning eng yaxshi futbolchisi deb topilgan. Shuningdek, Ronaldu Portugaliya terma jamoasi va barcha terma jamoalar tarixidagi eng yaxshi to‘purar (130 ta gol) hisoblanadi.
Joriy mavsumda Krishtianu Ronaldu “An-Nassr” safida barcha musobaqalarda 15 ta o‘yinda ishtirok etib, o‘nta gol va 3 ta golli uzatmani amalga oshirdi. Futbolchining klub bilan amaldagi mehnat shartnomasi 2025-yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.
Izoh (0)