Prostata – erkaklarning siydik-jinsiy tizimidagi prostata bezidir. Prostata beziga taʼsir qilishi mumkin bo‘lgan eng keng tarqalgan kasalliklar saraton va adenomadir. Ularni samarali va xavfsiz davolash uchun erkak zamonaviy texnologiyalar va tajribali malakali jarrohlarga ega shifoxonaga borishi mumkin.
Acıbadem shifoxonalar tarmog‘ida butun jahonda ommaviylashgan tajriba, ilg‘or texnologiyalar, mijozga yo‘naltirilgan yondashuv va mutlaq jamoaviy ishni taʼminlaymiz. Bularning barchasi butun dunyo bo‘ylab urologik xastaliklarni davolash uchun ishonchli markaz izlayotgan bemorlarga eng yaxshi tibbiy yordamni taklif qilish imkonini beradi.
Robotlashtirilgan jarrohlik yordamida prostata saratonini maqsadli davolash
Prostata saratoni – onkologik kasallikdir. Uni davolashning asosiy usuli radikal prostatektomiyadir. Prostata bezini olib tashlash bo‘yicha ushbu jarrohlik amaliyoti turli usullar yordamida amalga oshiriladi: ochiq, laparoskopik va robotlashtirilgan. So‘nggi ikkisiga Acıbadem shifoxonalari tarmog‘ida afzallik beriladi. Ular qorinning pastki qismidagi qirqish 12 sm gacha yetishi mumkin ochiq jarrohlik o‘rniga operatsiyani kichik kirqimlar orqali amalga oshirishga imkon beradi. Ushbu yondashuv bemorlarga sezilarli afzallik beradi, jumladan, tezroq tiklanish va asoratlar, infeksiyalar va qon yo‘qotish xavfini kamaytirishni o‘z ichiga oladi.
Robotlashtirilgan jarrohlik nima?
Robotlashtirilgan jarrohlik – tibbiy texnologiya bo‘lib, jarrohlar robotlashtirilgan «qo‘llar« va ularga biriktirilgan asboblar yordamida operatsiyalarni bajaradilar. Mutaxassis ularni operatsiya xonasidagi kompyuter konsolidan boshqaradi. Ushbu yondashuv bir qancha, jumladan, vizualizatsiyani yaxshilash, epchillikni oshirish, yuqori aniqlik va yaxshi natijalarga erishish kabi afzalliklarni beradi.
Robotlashtirilgan prostata jarrohligi siydik tutmaslik va jinsiy quvvatsizlik xavfini kamaytiradi
Prostata bezi qovuq va siydik yo‘li o‘rtasida chuqurlikda joylashgan. U jinsiy aʼzoni ereksiyasi va siydik chiqarishni nazorat qiladigan tomirlar va nervlar bilan zich o‘ralgan. Shu sababli, yomon o‘smali prostata bezini olib tashlashda ushbu funksional to‘qimalarga zarar yetkazish xavfi mavjud. Bunday vaziyatlarda aynan robotlashtirilgan jarrohlik hal qiluvchi rol o‘ynaydi, chunki u jarrohlarga aniqroq operatsiyalarni amalga oshirish imkonini beradi. Ko‘plab tadqiqotlarning ko‘rsatishicha, prostata saratoni jarrohligida robotlashtirilgan yondashuv bemorlarning 95 foizida ilgarigidek siydik chiqarishni nazorat qilishga va 80 foizida erektil funksiyasini saqlab qolishga yordam beradi.
Urologlarimizning prostata saratoni bo‘yicha robotlashtirilgan jarrohlik bo‘yicha katta tajribasi tufayli Acıbadem shifoxonalar tarmog‘i siydik tutmaslik va jinsiy quvvatsizlikning minimal xavfi bilan o‘smalarni olib tashlashni taklif etadi.
Bugungi kunda robotlashtirilgan jarrohlik tizimi Acıbademʼning beshta shifoxonasida qo‘llaniladi. Bundan tashqari, Acıbadem universitetida robotlashtirilgan jarrohlik bo‘yicha rasmiy o‘quv markazi mavjud bo‘lib, u yerda jarrohlar o‘qitiladi va kursdan so‘ng dunyoning istalgan nuqtasida tan olinuvchi sertifikatga ega bo‘lishadi.
O‘sib ketgan prostata bezi (adenoma)ni davolashning boshqa imkoniyatlari
Prostata bezining bexatar giperplaziyasi (o‘sishi) prostatani shikastlovchi eng keng tarqalgan kasallikdir. U onkologik bo‘lmagan turga (onkologik o‘smadan farqli o‘laroq) kiritishadi. Kattalashgan prostatada siydik yo‘llari torayishi va siydik chiqarish yoki quvuqni to‘liq bo‘shatilmasligi bilan bog‘liq muammolar kelib chiqishi mumkin. Biroq, bu to‘liq davolanadigan holat bo‘lib, ko‘plab samarali davolash usullari mavjud.
Prostata adenomasini davolashning hozirgi usullari minimal invazivdir va kirqishsiz amalga oshiriladi. Jarayon davomida bezning o‘ziga yetib borish uchun siydik yo‘li orqali sistoskop kiritiladi. Kattalashgan to‘qimalarni kesish uchun lazer ishlatiladi, ushbu to‘qimalar parchalanadi va siydik pufagida chiqariladi. Ushbu amaliyotni bajarish uchun HoLEP, ThuLEP va BipoLEP singari turli xil qurilmalar qo‘llaniladi. Ularning orasidagi asosiy farq ishlatiladigan lazer turiga bog‘liq. Ularning yordami bilan, xuddi apelsindan po‘stlog‘ini archish kabi, to‘siq bo‘layotgan prostata to‘qimasi prostata kapsulasidan qirqib olinadi.
Prostataning bexatar adenomasini davolashda yaqinda erishilgan yutuq Rezum protsedurasidir. Bir-biridan bir santimetr masofada joylashgan bir necha nuqtada, siydik yo‘li orqali prostata beziga igna orqali suv bug‘i yuboriladi. Vaqt o‘tishi bilan bu prostata bezining kichrayishiga, siydik yo‘li ochilishiga va siydik chiqishini yaxshilashga yordam beradi.
Acıbadem shifoxonalar tarmog‘i kattalashgan prostatani davolashning barcha zamonaviy texnologiyalar bilan jihozlangan bo‘lib, ushbu hol uni dunyoda bunday keng ko‘lamli davolash imkoniyatlari mavjud bo‘lgan kam sonli shifoxonalardan biriga aylantiradi.
Acıbadem shifoxonalar tarmog‘ining bemorlar uchun xalqaro markazi
Ekspertlar guruhi davolanishdan oldin, davomida va undan keyin bir qator xizmatlarni taqdim etib, individual va kompleks tibbiy yordamga ixtisoslashgandir. Acıbadem shifoxonalar tarmog‘ining xalqaro bemorlar markazi bemor yo‘lining har bir nuqtasini diqqat bilan rejalashtiradi. Savol yoki xavotir tug‘ilsa, istalgan vaqtda bizga qo‘ng‘iroq qiling yoki elektron pochta orqali xabar yozing.
Turkiyadagi Acıbadem shifoxonalarida davolanishga oid o‘zingizni qiziqtirgan barcha savollar yuzasidan Acıbademʼning Toshkent va Samarqanddagi vakolatxonasiga murojaat qilishingiz mumkin:
Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.
Telefon: +998 95 144 54 45
Samarqanddagi vakolatxonamizning manzili: Samarqand shahri, Mirzo Ulug‘bek 140.
Telefon: +998 66 234 41 71
Buxorodagi vakolatxonamizning manzili: Akademik I. Muminov ko‘chasi, 7.
Telefon: +998 55 311 54 44
Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru
Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook va Instagram sahifalariga aʼzo bo‘lishingiz mumkin.
Reklama huquqi asosida.
Izoh (0)