O‘zbekistonda 2024-yilning to‘qqiz oyida milliy valyutada rasmiylashtirilgan iste’mol va avtokreditlar hajmi ikki barobardan ko‘proq kamaydi. Bu haqda Markaziy bank ma’lumotlarida keltirilgan.
Yanvar—sentyabr oylarida fuqarolar tomonidan 12,79 trillion so‘mlik avtokreditlar olingan. Bu 2023-yilning shu ko‘rsatkichidan 2,36 barobar kamdir. Eng yuqori oylik ko‘rsatkichlar yanvar, aprel va may oylariga to‘g‘ri kelgan bo‘lib, 1,7 trillion so‘m berilgan.
Iste’mol kreditlari 2,4 barobarga — 32,54 trillion so‘mdan 13,05 trillion so‘mga qisqardi. Eng ko‘p chakana kreditlar may oyida (1,8 trillion so‘m) berilgan.
2023-yilning sentyabr oyida Markaziy banklarga avtokreditlar ajratish bo‘yicha talablarni kuchaytirgan edi. Shunday qilib, banklarning kredit portfelidagi avtomobil sotib olish uchun qarzlarning ulushi kreditlar konsentratsiyasi bilan bog‘liq tavakkalchiliklar tufayli 25 foizdan oshmasligi kerak.
O‘zbekiston Markaziy banki 2024-yil 1-iyuldan boshlab aholiga uy-joy va avtomobil sotib olish uchun kreditlar berish talablarini ham kuchaytirdi. Qarz oluvchilarning kredit riskini baholash uchun yangi indikator — qarz yuki joriy etildi.
Izoh (0)