Pentagon rahbari Lloyd Ostin Ukraina prezidenti Vladimir Zelenskiyning ATACMS raketa tizimlarini yetkazib berishda boshqa mijozlarga nisbatan Kiyevga ustunlik berish haqidagi iltimosini rad etdi. Bu haqda The Wall Street Journal (WSJ) manbalarga tayanib xabar berdi.
Nashr suhbatdoshlaridan biriga ko‘ra, Ostin “Zelenskiy boshqa mijozlar bilan kelishuvlarni buzishni so‘rayapti” deb hisoblagan.
Ayni vaqtda Pentagon Ukrainaga Patriot va NASAMS raketalarga qarshi mudofaa tizimlari uchun 500 dan ortiq tutuvchi raketalar yuborishni rejalashtirgan.
“Ular yaqin haftalarda Ukrainaga yetkazilishi kutilmoqda”, dedi AQSH ma’muriyatining yuqori martabali rasmiysi.
Qayd etilishicha, ushbu ta’minotlar joriy yilning qolgan qismida Ukrainaning havo hujumidan mudofaa ehtiyojlarini qondirishi kerakligini ta’kidlagan.
So‘nggi oylarda Kiyev Qo‘shma Shtatlardan ATACMS tizimlarining qo‘shimcha yetkazib berilishini talab qilmoqda.
- ATACMS (Army Tactical Missile System) — Amerikaning Lockheed Martin korporatsiyasi tomonidan ishlab chiqilgan taktik raketa tizimi. U maksimal masofasi 300 km bo‘lgan “yer-yer” sinfidagi boshqariladigan raketalardan foydalanadi.
Pentagon bir necha bor ATACMS’dan Rossiyaga chuqur zarbalar berish uchun foydalanishga ruxsat berishdan bosh tortgan. Ostinning so‘zlariga ko‘ra, Moskva samolyotlar va boshqa qimmatli nishonlarni raketalar masofasidan olib chiqqan. Pentagon rahbari Ukraina dronlar yordamida uzoq masofalarga zarbalar berish imkoniyatiga ega ekanini qo‘shimcha qilgan.
Izoh (0)