Yevropa ittifoqi diplomatiyasi rahbari Josep Borrel Kiyevga keldi. Bu haqda amaldor X tarmog‘idagi akkauntida ma’lum qildi.
Bu Borrelning Ukrainada urush boshlanganidan beri Kiyevga beshinchi safari. E’tiborlisi mazkur tashrif Borrelning ushbu lavozimdagi oxirgi tashrifi bo‘ladi.
“Yevropaning Ukrainani qo‘llab-quvvatlashi butun faoliyatim davomida shaxsiy ustuvor vazifam bo‘lib kelgan. Bundan keyin ham Ukrainada tinchlikni ta’minlash Yevropa ittifoqi kun tartibining asosiy masalasi bo‘lib qoladi”, deb yozdi Borrel.
Estoniyaning sobiq bosh vaziri, Ukrainaning Rossiya agressiyasiga qarshi bo‘lgan ashaddiy tarafdori sifatida tanilgan Kaya Kallas Yevropa ittifoqi tashqi siyosat bo‘limining yangi rahbari etib tayinlandi.
U 1-dekabrdan yangi lavozimda ish boshlaydi.
Izoh (0)