AQSH prezidentligi saylovlarida g‘alaba qozongan Donald Tramp o‘z lavozimiga kirishgach, Eronga, jumladan, neft sanoatiga qarshi sanksiyalarni keskin kuchaytirmoqchi. Bu haqda The Wall Street Journal siyosatchining rejalaridan xabardor manbalarga tayanib xabar berdi.
Nashrga ko‘ra, birinchi prezidentlik davrida Tramp Eron yadroviy kelishuvidan chiqqan, Qo‘shma Shtatlar terrorchi deb hisoblagan guruhlarni moliyalashtirish va tayyorlashni to‘xtatib, inson huquqlari holatini yaxshilashni boshlashiga umid qilib, mamlakatga “maksimal bosim” strategiyasini amalga oshirgan.
“Tramp ushbu siyosatni davom ettiradi”, deydi nashr suhbatdoshlari.
Shuningdek, u Vashingtonda xabar qilingan 2020-yilda IIQK generali Qosim Sulaymoniyning o‘ldirilishi munosabati bilan Eron rasmiylarining suiqasd tahdidlarini ko‘rib chiqadi.
“O‘ylaymanki, siz sanksiyalarning qayta tiklanishini ko‘rasiz, bu esa Eronni diplomatik va moliyaviy jihatdan yanada yakkalab qo‘yishga harakat qiladi”, dedi Oq uyning sobiq rasmiysi.
Uning so‘zlariga ko‘ra, “Eron hozir zaif holatda” va AQSHning yangi ma’muriyati bundan foydalanish imkoniyatiga ega bo‘ladi.
Tramp aniq qanday harakatlarni amalga oshirishi hozircha noma’lum. AQSH Energetika vazirligining sobiq xodimiga ko‘ra, ma’muriyat Eron nefti jo‘natiladigan Xitoy portlariga cheklovlar qo‘yishi, shuningdek, Iroqdagi “Eron tomonidan qo‘llab-quvvatlanadigan guruhlarni moliyalashtirgan rasmiylarga nisbatan sanksiyalar qo‘yishi mumkin”.
AQSHning Eron bo‘yicha sobiq maxsus vakilining qayd etishicha, Tramp Eron hukumatini ag‘darishga urinishdan “manfaatdor emas”. Ammo uning so‘zlariga ko‘ra, siyosatchi Eron iqtisodini HAMAS, “Hizbulloh”, Yaman husiylari va Iroq hamda Suriyadagi boshqa guruhlarning “zo‘ravonliklarini moliyalashtira olmasligi” uchun zaiflashtirishga vaʼda bergan.
Izoh (0)