Rossiya prezidenti matbuot kotibi Dmitriy Peskov fikricha, Rossiya va AQSH munosabatlarining iliqlashishi haqida gapirishga hali erta.
Shu bilan birga, Kreml vakili prezident Vladimir Putinning AQSH saylangan prezidenti Donald Tramp bilan muloqotga ochiqligi saqlanib qolayotganini taʼkidladi. Biroq Dmitriy Peskovning aniqlik kiritishicha, hali bunday muloqot bo‘yicha aniq ma’lumotlar yo‘q.
“Ma’lum bayonotlar bor, ammo aniq qadamlar vaqti kelmaguncha, bu haqda gapirishga erta”, dedi Peskov.
Bir kun avval, 7-noyabr kuni Rossiya prezidenti AQSH saylovlarida g‘alaba qozongan Donald Trampni tabrikladi. Biroq unga hozircha qo‘ng‘iroq qilmasligini ta’kidladi. Keyinroq Tramp Vladimir Putin bilan hali gaplashmaganini aytdi va “O‘ylaymanki, hali gaplashishga ulguramiz”, deb qo‘shimcha qildi.
Izoh (0)