Eron saylovda g‘alaba qozongan AQSH prezidenti Donald Trampga suiqasd uyushtirishga uringan Islom inqilobi qo‘riqchilari korpusi (IIQK) agenti Farhod Shakeriyga sirtdan ayblov e’lon qilingani haqida AQSH Adliya vazirligi xabar berdi.
“Adliya vazirligi Eronning o‘z nishonlariga, jumladan, Donald Trampga suiqasd qilish rejalarini amalga oshirish uchun jinoiy sheriklar tarmog‘iga rahbarlik vazifasi yuklatilgan eronlik rasmiyni aybdor deb topdi”, deydi bosh prokuror Merrik Garland.
Joriy yilning 7-oktyabrida Shakeriy respublikachini o‘ldirishni rejalashtirish vazifasini olgan.
IIQK agenti 51 yoshda va Eronda ekanligi taxmin qilinmoqda. Uning ikki sherigi AQSHda hibsga olingan: 49 yoshli Karlayl Rivera va 36 yoshli Jonat Loadholt. Ular Amerika Qo‘shma Shtatlarida ismi oshkor etilmagan kelib chiqishi eronlik bo‘lgan Amerika fuqarosini o‘ldirish maqsadida kuzatib borishgan. Ularga kuzatuv uchun 100 ming dollar va’da qilingan.
Izoh (0)