Yandex Music Mening to‘lqinim aqlli tavsiyalar tizimining yangilanishini taqdim etdi — bugungi kundan boshlab san’atrkorlarni tinglashda turli xil tillarni tanlash mumkin. Striming foydalanuvchilari endi tavsiyalarni faqat o‘zbek tilidagi treklarga qaratishlari mumkin. Shu bilan birga, o‘zbek tili boshqa til bilan birga mavjud bo‘lgan aralash turdagi treklar ham tavsiya etiladi. Yangilanish, musiqasi o‘zbek tilida yangraydigan san’atkorlarga o‘z ijodiga ko‘proq qiziquvchi va yangi tinglovchilarni topish imkonini beradi.
“Biz foydalanuvchilarning o‘zbek musiqasiga bo‘lgan qiziqishini ko‘rib turibmiz va biz uchun o‘zbekistonlik san’atkorlar bizning texnologiyalarimiz yordamida o‘z auditoriyasini topishi va ko‘paytirishlari muhimdir. Bu mahalliy musiqa sahnasini qo‘llab-quvvatlashda muhim qadamdir,” Yandex Plus va ko’ngilochar xizmatlar kompaniyasining Markaziy Osiyo va Kavkazdagi bosh direktori Vladimir Gorbunov.
Sozlamalar yordamida Yandex Music foydalanuvchilari Mening to‘lqinimni jamlashlari va unga ayni paytda o‘z istaklarini yaxshiroq tushunishiga yordam berishlari mumkin.
Avvalroq foydalanuvchilar kayfiyatiga qarab — Tetik, Quvnoq, Og’ir-vazmin, G‘amgin; va xarakteriga qarab — Sevimli, Notanish, Ommabop sozlamalaridan foydalanishlari mumkin edi. Endi esa til sozlamalarida — O‘zbekcha, Xorijiy ham paydo bo‘ldi. Diqqatni jamlash yoki dam olishni xohlovchilar uchun maxsus “So‘zsiz” sozlamasi ham mavjud.
Mening to‘lqinim — bu Yandex Music’ning asosiy tavsiya mahsuloti bo‘lib, u foydalanuvchilariga yangi treklar, san’atkorlar va musiqiy janrlarni ularning xohish-istaklariga qarab ochadi va shu vaqtning o‘zidayoq mukammal musiqani tanlaydi. U doimiy ravishda tinglovchining xohish-istaklari va ularning o‘zgarishiga moslashtiriladi. Treklar soni cheklangan pleylistlardan farqli o‘laroq, Mening to‘lqinim cheksiz va sezgir bo‘lib, foydalanuvchi harakatlarini darhol hisobga oladi. Mening to‘lqinim dizayni ham shaxsiydir va tinglovchilarning musiqiy ta’bi bilan birga o‘zgaradi — animatsiya kompozitsiya taktiga mos harakatlanadi va uning kayfiyatiga qarab rangni o‘zgartiradi.
Mening to‘lqinim yuzlab omillarni tahlil qiladi, jumladan, treklarni o‘tkazib yuborish yoki oxirigacha tinglash, layklar, dizlayklar va hatto ilova interfeysi bo‘ylab o‘tishlarni ham. Tinglovchilarning faolligi keyingi tavsiyalarga to‘g‘ridan to‘g‘ri ta’sir qiladi, bu esa servis algoritmlariga istalgan vaqtda eng mos treklarni tanlash imkonini beradi.
2023 yil oxirida striming jamoasi chuqur neyron modellarini Mening to‘lqinimga kiritdi. Ular yordamida tavsiyalar tizimi foydalanuvchilarning musiqiy qiziqishlari qanday rivojlanishini tushunishi mumkin. Tinglashlar tarixi, musiqiy treklar ketma-ketligi va boshqa omillarni tahlil qilib, Mening to‘lqinim tinglovchining musiqiy didining rivojlanish yo‘nalishini ilg‘ab olishga va uning qiziqishlarini oldindan aytib berishga qodir.
Yandex Music foydalanuvchilari yangilanishni hoziroq sinab ko‘rishlari mumkin. Buning uchun Mening to‘lqinim sozlamalariga o‘tish, "O‘zbekcha"ni tanlash va asarlari keng auditoriya uchun yanada qulayroq qo‘shiqlari o‘zbek tilida bo‘lgan ijrochilar bilan tanishish kifoya.
Ma’lumotnoma:
Yandex Music — 80 million musiqa treklari va 440 mingdan ortiq podkastlar katalogidan foydalanish imkonini beruvchi striming platformasi. Xizmat nafaqat O‘zbekistonda, balki boshqa mamlakatlarda ham mahalliy san’atkorlarni ommalashtiradi. Bugungi kunda Yandex Music bazasiga 3500 ga yaqin mahalliy ijodkorlar kiritilgan. Platformada O‘zbekistonning barcha yetakchi va mashhur ijrochilari taqdim etilgan: Munisa Rizayeva, Shohrux, Yulduz Usmanova, Konsta, Tohir Sodiqov, Sevara Nazarxon va boshqalar.
Yandex Plus — bu Kinopoisk, Yandex Music va Yandex Books kabi Yandex kontent servislariga kirish, shuningdek, Yandex Go'da yurishlari uchun Plus ballari bilan keshbek yig’ib borish imkonini beruvchi obuna. Yandex Plus ning Multi obunasiga uchta yaqin kishini qo‘shish mumkin, bunda har birining o‘z akkaunti, Plus ballarni yig’ib boorish inmkoniyati, shaxsiy tanlovlari va tavsiyalari bo‘ladi.
Reklama huquqi asosida.
Izoh (0)