Shuhrat Abdurahmonov Andijon viloyati hokimi lavozimiga qayta tasdiqlandi. Bu haqda viloyat hokimligi matbuot xizmati xabar bermoqda.
Bugun, 7-noyabr kuni xalq deputatlari Andijon viloyati kengashining yettinchi chaqiriq birinchi sessiyasi o‘tkazilgan.
Unda viloyat hududiy saylov komissiyasi raisi Baxtiyor Rasulovning joriy yil 27-oktyabr sanasida bo‘lib o‘tgan saylov yakunlari to‘g‘risidagi axboroti tinglangan.
Sessiya ishi davomida deputat O‘ktamjon Axunov xalq deputatlari Andijon viloyati kengashi raisi etib saylangan.
Shuningdek, sessiyada xalq deputatlari Andijon viloyati kengashiga saylangan deputatlarning partiya guruhlari ro‘yxatdan o‘tkazilib, viloyat kengashi reglamenti va doimiy komissiyalar to‘g‘risidagi nizom tasdiqlandi.
Sessiyada O‘zbekiston Respublikasi prezidenti Shavkat Mirziyoyev tomonidan Andijon viloyati hokimi lavozimiga Shuhrat Abdurahmonovning nomzodi ko‘rsatilib, tasdiqlash to‘g‘risida taqdimnoma kiritilgani o‘qib eshittirildi.
Xalq deputatlari Andijon viloyati kengashi qaroriga muvofiq Abdurahmonov Shuhrat Ko‘shakboyevich to‘rtinchi muddatga Andijon viloyati hokimi lavozimiga qayta tasdiqlandi.
Ma’lumot uchun, Shuhrat Abdurahmonov 2013-yilning aprelidan buyon Andijon viloyati hokimi hisoblanadi.
Izoh (1)
akamiz ketmaydi