Samarqand shahriga noyabr oyida rejalashtirilgan 30 ta elektrobuslarning 8 tasi olib kelindi, deb xabar bermoqda Transport vazirligi matbuot xizmati.
Qayd etilishicha, yil yakuniga qadar yana 64 ta elektrobuslar keltirilishi rejalashtirilgan. Umumiy hisobda — 100 ta elektrobus.
“Hozirda elektrobuslarni rasmiylashtirish ishlari olib borilmoqda. Rejadagi transport vositalari olib kelingach, belgilangan tartibda Samarqand shahar jamoat transporti yo‘nalishlariga biriktiriladi”, deyiladi xabarda.
Samarqand O‘zbekistonda YTTBning “Yashil shaharlar” dasturiga qo‘shilgan birinchi shahardir. Loyiha doirasida Samarqand shahar jamoat transporti yo‘nalishlarida elektrobuslar harakati yo‘lga qo‘yilishi belgilangan.
2023-yil may oyida mazkur loyihaga asosan dastlabki elektrobuslar olib kelinib, M1-sonli Temiryo‘l ABB—Samarqand xalqaro aeroporti yo‘nalishida yo‘lovchilar xizmatiga chiqarilgan edi.
YeTTBning 2016-yilda tashkil etilgan “Yashil shaharlar” dasturi har bir ishtirokchi shaharga kamroq uglerodli va yanada barqaror kelajakka qarab harakatlanishga qaratilgan noyob chora-tadbirlar kombinatsiyasi orqali yechimlarni uning ekologik ehtiyojlariga moslashtirishda yordam beradi.
Izoh (0)