Mettyu Makkonahi 55 yoshda: sevimli aktyor ijrosidagi 5 ta mashhur film

2024-yilning 4-noyabr kuni Mettyu Makkonahi 55 yoshga to‘ldi. Tug‘ilgan kuni munosabati bilan aktyorning beshta asosiy rolini yodga olamiz.

Yigirma yildan ortiq vaqt davomida Mettyu Makkonahi Gollivudning eng yorqin aktyorlaridan biriga aylandi. Tomoshabinlar uni o‘tkir komediyalar, dramatik trillerlar va kriminal seriallarda sevib tomosha qilishadi.

“O‘ldirish vaqti” filmi

• Janr: triller, kriminal
• 1996-yil

Qora tanli erkak 10 yoshli qizini zo‘rlagan jinoyatchilardan o‘ch olishga qaror qiladi. G‘azablangan ota sudga bostirib kiradi va zo‘ravonlarni otib tashlaydi. Buning uchun uni o‘lim jazosi kutmoqda. Ajoyib advokat Jeyk Brigens erkakni himoya qilishga va uni jazodan qutqarishga qaror qiladi.

Mettyu Makkonahi butun faoliyatini sud adolatsizligi bilan murosa qilishdan bosh tortgan otasi ishiga bag‘ishlagan advokat rolini o‘ynadi. Film yuridik drama va o‘tkir syujetli kriminal trillerni o‘zida mujassamlashtirgan bo‘lib, u so‘nggi titrlargacha intriga va keskinlikni saqlab qoladi. Makkonahi bilan birga filmda boshqa afsonaviy aktyorlar — Samuel L. Jekson, Sandra Bullok va Kevin Speysi ham rol o‘ynagan.

“Garovdagi muhabbat”

• Janri: melodrama, komediya
• 2003-yil

Jurnalist qiz ayollarning qaysi xatti-harakatlari bilan erkaklarni o‘zlaridan uzoqlashtirishi haqida maqola yozishga qaror qiladi. Muharrir unga o‘n kun muhlat beradi: bu vaqt ichida qahramon qiz o‘ziga yigitni topishi va xulq-atvori bilan uni tashlab ketishga majbur qilishi kerak. Jurnalist qizga yaqinda xo‘jayini bilan har qanday qizni 10 kun ichida sevdirishga garov o‘ynagan Endi ismli yigit uchraydi.

Aktyor faoliyatidagi eng esda qolarli romkomlardan biri aynan shu film bo‘ldi. Makkonahi va Keyt Xadson juftligi tomoshabinlarning sevimlilaridan biriga aylandi va quvnoq kartina haligacha romantik komediyalarning eng yaxshi namunalaridan biri sifatida esga olinadi.

“Dallas xaridorlari klubi” filmi

• Janr: drama, tarjimayi hol
• 2013-yil

Texaslik elektrchi Ron Vudruf dahshatli tashxisni bilib qoladi. Shifokorlar uning OITS bilan kasallanganini aytishadi va u o‘ttiz kundan ortiq yasholmasligini aytishadi. Ammo qahramon o‘lim bilan murosa qilmoqchi emas — u o‘zi va baxtsizlikka uchragan boshqa do‘stlari uchun dori topishga qaror qiladi.

“Dallas xaridorlar klubi” bu — haqiqiy voqealarga asoslangan drama bo‘lib, AQSHdagi byurokratiyani tanqid qiladi.

Hayotga yangicha qarashga majbur bo‘lgan surbet elektrik obrazi aktyor karyerasida hal qiluvchi rollardan biriga aylandi. Mazkur roli uchun Makkonahi yagona “Oskar”iga sazovor bo‘ldi va nihoyat Gollivudning asosiy artistlaridan biriga aylandi.

“Haqiqiy detektiv” seriali

• Janr: detektiv, kriminal
• 2014-yil

1995-yilda Luizianada sirli sharoitlarda vafot etgan qizning jasadi topiladi. Ishni detektivlar Marti Xart va Rast Koulni tekshirishga kirishadi. Ish qanchalik chuqurlashsa, ular okkultizm motivlari bilan bog‘liq sirli ishga shunchalik ko‘proq sho‘ng‘ishadi.

Vudi Xarrelson bilan juftlikda Metyu Makkonahi eng yaxshi sheriklardan birini ekranda gavdalantirdi. Voqealar bir vaqtning o‘zida bir necha vaqt oralig‘ida sodir bo‘ladi.

Bugungi kunda “Haqiqiy detektiv”ning birinchi mavsumi kriminal trillerning eng yaxshi namunalaridan biri hisoblanadi. Undan keyin yana uchta mavsum ekranlarga chiqdi, ammo ularning hech biri muvaffaqiyatli bo‘lmadi.

“Jentlmenlar” filmi

• Janr: kriminal, komediya
• 2019-yil

Maykl Pirson — giyohvand moddalar savdosi bilan shug‘ullanuvchi eng yirik londonlik biznesmen. Uddaburon jurnalist jinoyatchining ishlari haqida ma’lumot to‘plashga, keyin esa uni sukut saqlagani uchun kattagina pul to‘lashga majbur qilishga qaror qiladi. Bu oldindan aytib bo‘lmaydigan oqibatlar zanjirini ishga tushiradi.

Gay Richining kriminal komediyasi britaniyalik rejissyorning eng yaxshi an’analari asosida yaratilgan. Bosh rollarda yulduzlardan iborat o‘tkir va dinamik syujet Gay Richi va bosh rolni ijro etgan Mettyu Makkonahining eng yaxshi asarlari ro‘yxatiga kirdi.

“Jentelmenlar” Makkonahining so‘nggi yorqin roli. Maykl Pirson rolidan so‘ng aktyor o‘z hayoti haqida avtobiografik kitob nashr etdi, shuningdek, siyosatchi bo‘lish va Texas gubernatori lavozimiga nomzodini qo‘yish niyatida ekanligini aytdi. Makkonahi yana yorqin obrazlarni ijor etadimi-yo‘qmi noma’lum.