Amerikalik mashhur murabbiy Robert Garsiya P4P yetakchisi Terens Krouford agar meksikalik Saul Alvaresga qarshi jang qilmaydigan bo‘lsa, faoliyatini yakunlashini aytib o‘tdi.
“U bilan gaplashdim. Menimcha, u faqatgina Kaneloga qarshi jangni xohlayapti. Agar bu jang bo‘lmasa, u ketishi mumkin. Uni ruhlantira oladigan odam kerak. Krouford endi hech kimga hech narsani isbotlashga majbur emas”, — deydi Garsiya.
Terens Krouford hozirda 37 yoshda. Amerikalik bokschi yengil vazn toifasida (-61,2 kg) sobiq jahon chempioni, birinchi yarim o‘rta vazn toifasida (-63,5 kg) va yarim o‘rta vaznda (-66,7 kg) sobiq mutlaq jahon chempioni, shuningdek, birinchi o‘rta vazn toifasida (-69,9 kg) amaldagi chempion hisoblanadi.
Eslatib o‘tamiz, Terens Krouford so‘nggi jangini 4-avgust kuni Isroil Madrimovga qarshi o‘tkazgan edi. Jang amerikalik bokschining ochkolar hisobiga (115-113, 115-113, 116-112) ko‘ra g‘alabasi bilan yakunlangan edi.
Izoh (0)