Sirdaryo, Namangan hamda Surxondaryo viloyatlarida Xalq deputatlari viloyat kengashlarining yettinchi chaqiriq birinchi sessiyalari o‘tkazildi.
Sirdaryo viloyati kengashining yettinchi chaqiriq birinchi sessiyasida deputat Pokiza Axmedjanova viloyat kengashi raisi etib saylandi.
Xalq deputatlari Sirdaryo viloyati kengashining qarori bilan Akmaljon Maxmudaliyev viloyat hokimi lavozimiga tasdiqlandi.
Shuningdek, Xalq deputatlari Namangan viloyati kengashining yettinchi chaqiriq birinchi sessiyasida deputat Solijon Mo‘minov viloyat kengashi raisi etib saylandi.
Kengash qarori bilan Shavkat Abdurazzoqov viloyat hokimi lavozimiga tasdiqlandi.
Bundan tashqari, Surxondaryo viloyati kengashining yettinchi chaqiriq birinchi sessiyasida 14-Alpomish saylov okrugidan saylangan deputat Abduraim Choriyev viloyat kengashi raisi etib saylandi.
Kengash qarori bilan Ulug‘bek Qosimov nomzodi viloyat hokimi lavozimiga bir ovozdan tasdiqlandi.
Izoh (0)