Gollivud yulduzlarining farzandlari yoshligidanoq ularni kelajakda nima kutayotganini yaxshi biladi. Ota-onasi mashhur bo‘lgan bolalar ularning hurmat va obro‘si tufayli istagan narsasini qo‘lga kiritishiga yordam beradi. Ammo kanadalik va amerikalik aktyor Jim Kerrining yagona qizi Jeyn boshqa yo‘lni tanladi.
Jeyn Kerrining ilhom manbai
Foto: Hello!
Jeynda bolaligidan kuchli xarakter shakllana boshlagan. U sakkiz yoshga to‘lganida qizning ota-onasi — Jim Kerri va aktrisa Melissa Uomer rasman ajrashdi. Otasi qizi bilan doimo yaxshi munosabatda bo‘ldi. Jim qizi uchun eng yaxshi ota bo‘lishga harakat qildi. Aktyor Jeynni tez-tez ko‘rgani borar, uning tarbiyasida faol ishtirok etar edi. Jeyn otasini bolaligidan o‘zining asosiy ilhom manbai deb bilgan va hozir ham shunday deb hisoblaydi.
Jeynning butun bolaligi ijodiy muhitda o‘tdi, shuning uchun u qo‘shiqchilik sohasini tanladi. 1994-yilda Jim Kerri bosh rolni ijro etgan “Ahmoqlardan ahmoqroq” komediyasi 7 yoshli qizning ijodiy faoliyatni boshlanishiga turtki bo‘lgan.
Jeyn Kerri duch kelgan qiyinchiliklar
Foto: Dzen
Mashhurlikka ilk qadamni Jeyn American Idol shousida ishtirok etish bilan qo‘ydi. Ammo barchaga ma’lum otasining familiyasi Jeynning karyerasi rivojlanishiga yo‘l qo‘ymadi. Ko‘pchilik uni mashhur insonning yana bir iqtidorsiz qizi sifatida qabul qildi. Jeynning barcha sa’y-harakatlari va qobiliyatlarini hech kim hisobga olmadi. Bunday holat Jeynning hayotida bir necha marta takrorlandi.
Jeyn Kerri American Idol ko‘rsatuvida:
Vokal, aktyorlik va Jeyn Kerrining shaxsiy shousi
Shou bilan bog‘liq mojarodan keyin Jeyn taslim bo‘lmadi. U o‘zining “The Jeyn Carrey Band” musiqiy guruhiga asos soldi, qo‘shiqlar yozdi va butun dunyo bo‘ylab gastrol safarlariga chiqa boshladi. Uning bir nechta singllari mashhur bo‘ldi. Vokal sohasidagi muvaffaqiyati bilan bir qatorda, Jeyn o‘zini aktrisa sifatida ham sinab ko‘rdi va bir nechta filmlarda ishtirok etdi.
Hozir Jeyn Kerri 36 yoshda, u o‘zining “The Jeyn Kerry Show” deb nomlangan shousini olib bormoqda va yangi original qo‘shiqlarni yozishda davom etmoqda. Uning sobiq eri, musiqachi Aleks Santanadan Jekson ismli o‘g‘li bor.
Jim Kerri va qizi o‘rtasidagi munosabatlar
Jeyn va Jim o‘rtasida doim iliq va ishonchli rishtalar bo‘lgan. Ota va qiz tez-tez muloqot qilishadi va qizi faqatgina Jimdan turli masalalarda maslahat so‘raydi. Muxlislarning fikricha, Jeyn nafaqat iste’dod va mehnatsevarligi, balki tashqi ko‘rinishi va tabassumi bilan ham otasiga juda o‘xshaydi.
Izoh (0)