AVO bank dastlabki ko‘zlagan biznes-maqsadlarni to‘liq bajaribgina qolmay, o‘zi kutgan natijalardan ko‘prog‘iga erishishda davom etmoqda. Bank taklif etayotgan mahsulot va xizmatlarga talab kun sayin oshib, o‘z faoliyatini boshlaganiga bir yildan oz muddat bo‘lgan bankning AVO ilovasini ikki milliondan ortiq O‘zbekiston aholisi smartfonlariga yuklab oldilar.
Bankning foydalanuvchilar bazasi yuqori surʼatlarda o‘sib bormoqda va shu orqali taklif etilayotgan raqamli yechimlarning dolzarbligi hamda qulayligini tasdiqlamoqda. AVO bank innovatsiyalarni joriy qilgan holda, butun mamlakat bo‘ylab mijozlar ishonchini qozonib, ularning moliyaviy hayotining ajralmas bo‘lagiga aylanmoqda. Bankning raqamli xizmatlari, shuningdek, AVO platinum kredit kartasi va O‘zbekistonda birinchilardan bo‘lib taqdim etilgan AVO to‘lov stikeri singari o‘ziga xos mahsulotlarga talabning oshishi kompaniya muvaffaqiyati hamda yanada o‘sib-rivojlanishi uchun poydevor bo‘lib xizmat qildi.
Aksiyadorlarning loyiha kelajagiga bo‘lgan to‘liq ishonchi AVO bank rivojlanishida asosiy rolni o‘ynamoqda. Biznesning yanada rivojlanishi va moliyaviy barqarorlikni taʼminlash maqsadida bankning yagona aksiyadori — Ruslan Adilbayev, bank ustav kapitalini oshirish haqida qaror qabul qildi.
Tez kunlarda 100 milliard so‘mdan ortiq summaga qo‘shimcha kapitallashtirish bo‘yicha barcha rasmiylashtirish ishlarining yakunlanishi kutilmoqda. Bank ustav kapitali 500 milliard so‘mlik minimal talabga javob beradi, bu esa 2025-yilda rivojlanish uchun mustahkam asosni yaratadi.
Yangi mablag‘larning kiritilishi AVO bankka kelajakka ishonch bilan qarashga imkon beradi. Kelasi yilgi rejalarimiz nafaqat bozorda pozitsiyamizni mustahkamlash, balki foydalanuvchilar uchun yangi xizmatlarni yaratish, ilova imkoniyatlarini kengaytirish, shuningdek, yurtimiz bo‘ylab bankomat va xizmatlarimiz tarmog‘ini mustahkamlashni qamrab oladi.
Jadal o‘sib boruvchi bozor sharoitida AVO bank o‘z mijozlari uchun eng yaxshi shartlar va innovatsion yechimlar taqdim etuvchi yetakchi banklar qatoridan o‘rin egallashiga ishonchimiz komil, deya qayd etib o‘tdi Ruslan Adilbayev.
Markaziy bank normativlariga asosan 2025-yilning 1-yanvaridan boshlab banklar ustav kapitalining minimal miqdori 500 milliard so‘mni tashkil qiladi. 2024-yilning mart oyida AVO bank 185 740 000 000 so‘m qo‘shimcha kapital kiritib, uning ustav kapitali 395 151 530 620 so‘mdan 580 891 530 620 so‘mga oshgan edi.
AVO bankning navbatdagi qo‘shimcha kapitalni kiritish qarori uning strategik qarashlari va samaradorlikni oshirishga tayyorligini ko‘rsatadi. Bu esa, o‘z navbatida, biznesni rivojlantirish bo‘yicha rejalarning amalga oshirilishi hamda O‘zbekiston moliya bozorida pozitsiyani mustahkamlashga xizmat qiladi.
Reklama huquqi asosida.
Izoh (0)