Aktyor bo‘lish oson emas, albatta. Ba’zan eng matonatlilar ham bu kasbni uddalay olmaydi. Ammo ishning murakkabligi tufayli emas, balki rollar bilan bog‘liq muammolar tufayli — quyida shular haqida gaplashamiz.
Tom Holland — “To‘lgan xona”
Tom Holland uchun “To‘lgan xona” seriali burilish nuqtasi bo‘ldi. Aktyor bir nechta shaxslar bilan jinoyatchi rolini o‘ynaganidan tashqari, film prodyuseri ham edi. Birgina boshiga shuncha muammo.
Men har doim yaxshi ish — bu og‘ir ish ekanligini bilardim. Lekin bu film meni sindirdi. Ilgari plyajda yotib dam olish uchun bir haftaga Meksikaga jo‘nab ketardim. Ammo hozir bir yillik tanaffus olaman — serialda suratga tushish shunchalik qiyin bo‘ldi, deydi Tom Holland.
Ledi Gaga — “Guchchi uyi”
Ledi Gaga uchun qahramon bilan bir butun bo‘lish — oson vazifa. Ammo obrazdan chiqish boshqa masala. Uning aktyorlik ishiga sodiqligiga misol sifatida xonandani uzoq vaqt davomida qo‘yib yubormagan “Guchchi uyi” filmi bo‘lishi mumkin:
Men bu rolga shu qadar kirishib ketdimki, real hayotdan uzila boshladim. Rol ustida ishlay boshlaganimga uch yil bo‘ldi, shundan to‘qqiz oy talaffuzim ustida ishladim. Suratga olishlar oxiriga kelib, qandaydir psixologik qiyinchiliklarga duch keldim. Men mehmonxonada ham Patritsiya kabi yashab, gapirayotgandim.
Yaqinda suratga olingan “Joker: ikki kishilik telbalik” filmida u Xarli Kuinn rolini ham o‘ynadi. Hamkasblarining aytishicha, qo‘shiqchi suratga tushish paytida obraziga to‘liq moslashish uchun o‘z nomidan voz kechgan.
Rayan Gosling — “Barbi”
Rayan Goslingning so‘zlariga ko‘ra, uning bu filmdagi roli butun faoliyati davomida eng qiyini bo‘lgan.
Bu hayotim davomida o‘ynagan eng qiyin rol bo‘ldi. 70 yoshli qo‘g‘irchoq roliga qanday yondashish kerak? Bu yerda hech qanday yangilik qilolmaysan. Hech kimga taqlid qilib bo‘lmaydi — hujjatli filmlar ham, Ken haqida yozilgan kitoblar ham yo‘q. Hammasi o‘zingga bog‘liq.
Bred Pitt — “Yulduzlar sari”
Yaqin kelajak, kichik oilaviy drama va katta sayohat — Bred Pitt bosh rolni o‘ynagan “Yulduzlar sari” kartinasini shunday tasvirlash mumkin. Faqat uning so‘zlariga ko‘ra, qiyinchiliklar suratga olish maydonchasida emas, biroz keyinroq boshlangan:
Bu men ishlagan eng murakkab film edi. Hikoya shu qadar nozikki, har qanday noo‘rin kadr, musiqiy fon yoki kadr ortidagi ovoz osongina barchasini buzishi mumkin edi. Biz bu muvozanatni saqlash uchun doimiy ravishda harakat qilishimizga to‘g‘ri keldi.
Kianu Rivz — “Jon Uik 4”
Kianu Rivz Total Film’ga bergan intervyusida shunday deydi:
Jon Uik 4” aktyorlik faoliyatim davomidagi eng og‘ir rol bo‘ldi. Ular meni katta asbob-uskunalar arsenalini boshqarishga o‘rgatishdi. Biz poygani yangi bosqichga olib chiqishga muvaffaq bo‘ldik, bu menga va jamoamizning har bir a’zosiga katta zavq bag‘ishladi.
Izoh (0)