O‘zbekistonda elektromobillar uchun quvvatlash stansiyalari tarmog‘i kengaytiriladi. Vazirlar Mahkamasi “Respublikada 2024—2025-yillarda elektromobillardan foydalanish infratuzilmasini kengaytirishning qo‘shimcha chora-tadbirlari to‘g‘risida” qaror qabul qildi.
Unga ko′ra, 2025-yil 1-fevraldan davlat muassasalari, mehmonxonalar, biznes-markazlar, savdo va umumiy ovqatlanish obyektlari, xalqaro va davlat ahamiyatidagi avtomobil yo‘llari infratuzilmasi obyektlari loyihalarida to‘xtash joylarining kamida 5 foizi elektromobillarni quvvatlash stansiyalari bilan jihozlanishi kerak.
Shuningdek, ko‘p qavatli uylar yaqinida, shu jumladan, ularga yaqin joylashgan to‘xtash joylarida maksimal quvvati 22 kVt bo‘lgan stansiyalarni o‘rnatish rejalashtirilmoqda.
Hujjat bilan davlat organlari, mahalliy ijro organlari, o‘zini o‘zi boshqarish organlari hududida stansiyalarni o‘rnatish joylarini “K-Savdo” avtomatlashtirilgan tizimida elektron auksion orqali ijaraga berish ruxsat etiladi.
Hujjat bilan elektromobillarni quvvatlash stansiyalarini o‘rnatish bo‘yicha maqsadli ko‘rsatkichlar tasdiqlandi:
- avtoto‘xtash joylari, ijtimoiy obyektlar va davlat muassasalarida;
- savdo va biznes-markazlar, umumiy ovqatlanish korxonalari, mehmonxonalar va ko‘p qavatli uylar yonida;
- avtoyoqilg‘i quyish shoxobchalarida.
Yakka tartibdagi va ko‘p kvartirali uy-joylar hududida, shu jumladan, ko‘p kvartirali uy-joylar avtoturargohlarida eng yuqori quvvati 22 kvt bo‘lgan stansiyalar o‘rnatiladi. Tadbirkorlar mavjud ko‘p kvartirali uy joylarning faqat avtoturargohlatrida stansiyalar o‘rnatishi mumkin bo‘ladi.
Umumiy hisobda 2025-yil oxirigacha O‘zbekiston bo‘ylab 32,4 mingta elektromobillarni quvvatlash stansiyalarini o‘rnatish rejalashtirilgan. Eng ko‘pi — 23,5 mingta ko‘p kvartirali uy-joylar atrofida o‘rnatiladi.
Hujjat 2024yil 4-noyabrdan kuchga kirdi.
Izoh (0)