Ijtimoiy tarmoqda bir yigitning TikTok’da 100 mingta layk uchun otasini urishini aytgani aks etgan video tarqaldi.
Yigit videoni TikTok platformasiga joylashi, agar 200 ming layk yig‘sa, otasini qariyalar uyiga yuborishini va o‘zining bu so‘zlariga javob berishini ham aytgan.
“Gapni ko‘paytirmayman. Agar ushbu videomiz yuz mingta layk to‘plasa, adamni uraman. Jag‘ga javob, yuz foiz aytyapman, gapga javob beradigan bolaman. 24 soat ichida 100 ming layk yig‘ilsa, o‘sha payt borib, otamni urib, videoga olib TikTok platformasiga joylayman. Ko‘rasizlar”, deydi yigit.
Aniqlanishicha, video joriy yilning 1-noyabr kuni tasvirga olingan. U.S. ismli yigit videoni hazil tariqasida olganini, kutilmaganda tarqalib ketganini bildirgan. Uning so‘zlariga ko‘ra, bu holat boshqa takrorlanmaydi.
Toshkent viloyati ichki ishlar bosh boshqarmasi matbuot kotibi Bobur To‘laganov ushbu holat boshqarma tomonidan nazoratga olinganini, holatga huquqiy baho berish uchun tegishli hujjatlarni rasmiylashtirish ishlari olib borilayotganini, natijasi bo‘yicha axborot berilishini bildirdi.
Izoh (0)