Mashhur bo‘lish — eng yaxshi hobbi. Faqat quyidagi qahramonlari uchun bu ish. Shuning uchun ular boshqa biror narsa bilan chalg‘ishiga to‘g‘ri keladi.
Genri Kavill
Aktyor yirtqich hayvonlarga qarshi kurashishni va odamlarni qutqarishni shunchalik yaxshi ko‘radiki, buni hatto suratga olish maydonchasidan tashqarida ham shu ish bilan shug‘ullanadi. Masalan, u qo‘lida geympad bilan Geraltning Riviyadan kelgan yo‘lini bosib o‘tgan. Bir kuni Genri o‘yin tufayli hatto Supermen rolidan ayrilishiga sal qoladi.
“World of Warcraft o‘ynaganim uchun taklif bilan chiqqan rejissyorning qo‘ng‘irog‘ini ko‘tarolmaganman, deydi u.
Kris Hemsvort
Chamasi, Hemsvortlar oilasi hech qachon dam olish kunlarini divanda yotib o‘tkazmagan. Kris faol dam olishni shunchalik sevadiki, dangasalikka o‘rin qolmaydi. Biroq tog‘ga chiqish, mototsikl haydash, otda yurish va boshqa ko‘plab mashg‘ulotlar orasida aktyorning sevimli mashg‘uloti bor.
“Men har doim syorfingni yaxshi ko‘rganman. Bu mening e’tiborimni to‘liq jalb qiladigan kam sonli narsalardan biri, deydi Kris.
Jeyson Momoa
Bu aktyor ham otda sayr qilishga qarshi emas. Lekin Jeyson Momoa barcha zotlar orasidan temir otni tanlaydi. U o‘zining po‘lat otlari haqida alohida ishtiyoq bilan so‘zlaydi:
“Men har doim mototsiklda yuraman, suratga olish joyiga ham o‘zim bilan olib boraman. Bu mening qonimda bor. Mototsiklga o‘tirishim bilanoq, atrofimdagi hamma narsa men uchun yo‘qoladi. Men butunlay diqqatimni jamlagan holda boshqa hech narsa haqida o‘ylamayman”
Shu bilan birga, aktyorni kolleksioner deb atash mumkin. Uning garajida mototsikllar ko‘p, Momoa vintaj modellarni afzal ko‘radi. Harley-Davidson esa uning sevimli brendi.
Mettyu Makkonahi
2020-yilda Makkonahi “Yashil nur” nomli ilk memuarini yozdi. Asar chop qilinishidan oldinroq xitga aylandi, bestsellerlar qatoridan joy oldi.
“Bu kitob — mening 50 yillik hayotim. Yaxshi va yomon fikrlarim va xulosalarim — muvaffaqiyatlar, haqiqat va jasorat, deb yozgan muallif.
Metyu ikkinchi asarini 2023-yilda nashr etdi. U bolalar uchun bo‘lib, “Shunchaki” deb nomlanadi. Kelgusida esa aktyor “Yashil nur”ning davomi bilan bo‘lishishni rejalashtirmoqda.
Devid Bekhem
Katta sportni tark etgan Devid o‘ziga ferma qurib olgan. Bekhem ko‘pincha xo‘jalikdagi muvaffaqiyatlarini obunachilari bilan baham ko‘radi. Ular ham kostyum-shimdan ko‘ra kundalik ish kiyimi Devidga ko‘proq yarashadi, deb hisoblaydi.
Rayan Reynolds
Aktyor ommaviy madaniyat bilan ishlashni a’lo darajada biladi. Shuning uchun ham Reynolds “Rexxem” futbol jamoasini sotib olgan.
“Bir kuni Rob Makelxenni elektron xat yuborib, quyi liga klubini sotib olish va uni globalroq narsaga aylantirish rejasini aytdi... Bu taklifni juda kutilmagan va qiziqarli deb o‘yladim. Men biznes yaratishni yaxshi ko‘raman, bu ham bir biznes”, deydi Rayan o‘zining sevimli mashg‘uloti haqida.
Izoh (0)