Yaponiyalik bokschi Naoya Inoue Riyadh Season bilan shartnoma imzoladi.
Qayd etilishicha, ikkinchi eng yengil vazn toifasidagi jahon chempioni Naoya Riyadh Season bilan 20 mln dollar miqdoridagi hamkorlik kelishuvini imzolagan.
“Bu yil deyarli yakunlanib bo‘ldi, jangim belgilangan. Lekin men keyingi yildan boshlab, Saudiya Arabistonida jang qila olaman. Yaponiyada bo‘lgani kabi Saudiyada ham g‘alaba qozonishga tayyorman”, — deydi bokschi.
Ma’lumot uchun, yaponiyalik bokschi 24-dekabr kuni Tokio shahrida tashkil etiladigan boks oqshomi doirasida avstraliyalik da’vogar Sem Gudmandan IBF chempionlik kamarini himoya qilishga urinib ko‘radi.
Eslatib o‘tamiz, Inoue o‘zining so‘ngi jangini 2024-yil sentyabr oyida o‘tkazgan. Bokschi mutlaq jahon chempionligi unvonini himoya qilgandi. Tokioda bo‘lib o‘tgan boks oqshomida yaponiyalik sportchi Ti Jey Doeniga qarshi jang qilib, yettinchi raundda uni nokautga uchratgan. Inouening zarbasidan so‘ng Doeni jangni davom ettirolmasligi ma’lum bo‘lgandi.
Izoh (0)