Noyabr oyida ko‘plab ajoyib yangiliklar bo‘ladi. Sevimli “Moana 2”, shuningdek, uzoq kutilgan “Gladiator 2” va Sintiya Erivo va Ariana Grande ishtirokidagi “Yovuz: G‘arb jodugari haqida ertak” filmi katta ekranlarga chiqadi.
“Gladiator 2”
- Mamlakat: AQSH, Buyuk Britaniya
- Premyera: 13-noyabr
24 yil o‘tgach, rejissyor Ridli Skott nihoyat Qadimgi Rimning klassik sagasini davom ettiradi. Maksimus vafotidan keyin endi Lutsiy gladiatorlar janglarida qatnashishi kerak, chunki uning uyi va oilasi taxtdagi yangi uzurpatorlar tomonidan asir olingan. Jangchi bor kuchini to‘plab, butun imperiyaning kelajagi uchun jon-jahdi bilan kurashishi kerak. Filmda Pol Meskal va Pedro Paskal bosh rollarni ijro etadi.
“Missiya: Qizil”
- Mamlakat: AQSH
- Premyera: 6-noyabr
Yangi yilga hali bir oy bor, ammo “Qizil” laqabli Santani allaqachon o‘g‘irlab ketishgan. Rojdestvoni qutqarish uchun Shimoliy qutb xavfsizlik xizmati boshlig‘i va bosh ovchisi (Dueyn Jonson va Kris Evans) birlashadi va xavfli safarga otlanadi. Ularning davrasiga maftunkor va xavfli Lyusi Lyu ham qo‘shiladi.
“Irimchi”
- Mamlakat: AQSH, Kanada
- Premyera: 14-noyabr
Xyu Grantning navbatdagi noodatiy qiyofasi: bu safar u bir qarashda mutlaqo beozor ko‘ringan mister Rid rolini o‘ynaydi. U bilan birga cherkovga borgach, yosh qizlar amakisi ularning e’tiqodini tom ma’noda sinab ko‘rmoqchi ekanligini tushunishadi.
“Yovuz: G‘arb jodugari haqida ertak”
- Mamlakat: AQSH
- Premyera: 18-noyabr
Sintiya Erivo va Ariana Grande ishtirokidagi ko‘pchilik orziqib kutgan film-myuzikl nihoyat mashhur Brodvey postanovkasini yangi usulda namoyish etadi. Ikki yosh jodugar Ellaba va Galinda birgalikda Shiz universitetida sehrgarlik ilmini o‘rganadi. Hammaga ham, ularning o‘ziga ham ma’lumki, ular har xil, lekin bu ularning bir-birlarini qo‘llab-quvvatlashiga va yaxshilikka intilishiga xalaqit bermaydi.
“Moana 2”
- Mamlakat: AQSH, Kanada
- Premyera: 27-noyabr
Moananing sarguzashtlari yana davom etadi. Ajdodlarning chaqirig‘iga javoban u Maui bilan birga uzoq Okeaniya suvlariga boradi. Umuman olganda, bizni yana sarguzashtlar, ko‘plab yorqin ranglar, hissiyotlar va qo‘shiqlar kutmoqda.
Izoh (0)